भक्तपुरमा पनि साझा बस गुड्ने, व्यवसायी भन्छन्: छिर्न पाउँदैन

  • Get News Alerts

साझा बसले भक्तपुरमा पनि आफ्नो सेवा विस्तार गर्नेगरी रुट पर्मिटको लागि यातायात व्यवस्था विभागलाई पत्राचार गरेको छ। साझाका कामु कार्यकारी अधिकृत महेन्द्रराज पाण्डेले भक्तपुरका स्थानीयको मागलाई ध्यानमा राख्दै रुट पर्मिटका लागि विभागलाई पत्र पठाइएको जानकारी दिए। 
 
दैनिक दस वटा बसले भक्तपुरलाई काठमाडौंको नाका कलंकीसम्म जोड्नेगरी साझाले विभागसँग रुट पर्मिट माग गरेको हो। कलंकी, त्रिपुरेश्वर, सुन्धारा, बानेश्वर, कोटेश्वर, जडिबुटी, सल्लाघारी, व्यासी कमलविनायक, जगाति, सुर्यविनायकसम्म पुग्नेगरी साझाले रुट पर्मिट मागेको छ। 
 
हाल कायम रहेको रुट कोटेश्वर, बानेश्वर, शहीदगेट, त्रिपुरेश्वर, कलंकी, स्वयम्भूलाई नै केही लामो बनाएर साझाले भक्तपुरमा सेवा सुरु गर्ने जनाएको हो। 
 
 यस सम्वन्धमा विभागले भने अध्ययन गरिरहेको र कानूनअनुसार ‘रुट पर्मिट’ दिने जनाएको छ। विभागका प्रवक्ता डा. टोकराज पाण्डेका अनुसार साझाले प्रस्ताव गरेको रुट पर्मिटका लागि कानूनले कतै अवरोध नगरेकाले उसले प्रक्रियाअनुसार पाउने बताए।
 
‘रुट इजाजतसम्वन्धी मापदण्ड पुगेपछि सम्वन्धित यातायात कार्यालयले अनुमति दिन्छ’ उनले भने ‘त्यसका लागि त्यहाँका अरु व्यवसायीलाई सोध्नुपर्ने जरुरत छैन।’प्रतिस्पर्धात्मक रुपमा सेवा विस्तार गर्न खोज्नेलाई कसैले रोकतोक गर्न खोजे त्यो कानूनविपरित हुने डा. पाण्डेले स्पष्ट पारे। यातायात क्षेत्रमा सिण्डिकेट लाद्न खोजेमा त्यो कानूनविरुद्ध हुने र सजायको भागिदार हुने भन्दै विभागले साझालाई ‘रुट पर्मिट’ दिने तयारी गरेको छ। 
 
अर्कोतर्फ साझाका बसहरु ठूला भएकाले तीनकुने–सुर्यविनायक सडकखण्ड उपयुक्त रहेको विभागको भनाई छ। यदी भक्तपुरमा पनि रुट पर्मिट र संचालन गर्न पाएमा तीनै जिल्लालालाई साझा यातायातले जोड्न सक्छ।
 
हाल ललितपुरको लगनखेल, जाउलाखेल, कुपण्डोल हुँदै सुन्धारा, चक्रपथ, बसपार्कसम्म र बसपार्कदेखि सोही रुट हुँदै लगनखेलसम्म बस संचालन भइरहेको छ। 
 
साझाका कामु कार्यकारी अधिकृत पाण्डेका अनुसार उपत्यकाका तीनै जिल्लालाई सहज रुपमा यातायातले जोड्नका लागि पनि साझाले प्रयास थालेको हो। तर भक्तपुरमा रुट पर्मिट दिए पनि साझाका बसलाई छिर्न नदिने भन्दै त्यहाँका व्यवसायी आक्रोशित भएका छन्। 
 
सो रुटमा साझालाई पर्मिट नदिनका लागि दवाव दिइरहेका छन्। ‘हालै भक्तपुरका बस व्यवसायीहरुको बैठक बसेर कुनै पनि हालतमा साझालाई संचालन गर्न नदिइने निर्णय भएको छ’ एक व्यवसायीले नाम उल्लेख नगर्ने सर्तमा भने। 
 
भक्तपुरका मात्रै होइन, छाता संगठन राष्ट्रिय यातायात व्यवसायी महासंघ नै साझालाई सो रुटमा संचालन गर्न नदिने पक्षमा जुटेको छ। महासंघका महासचिव सरोज सिटौलाले निजी व्यवसायीहरुले गरेको अरबौं लगानीलाई जोखिममा पार्नेगरी सरकारले कदम चाल्न नहुने बताउँछन्। ‘राजधानीको सजिलो बाटोजति साझाले हडप्ने, निजीले सधैं भीरपाखामा मात्रै संचालन गर्नुपर्ने हो भने सरकारले हाम्रो सहयोग नमागे हुन्छ’ उनले भने।  
 
व्यवसायीलाई लात हान्ने काम सरकारले गर्न नहुने भन्दै उनले निजी क्षेत्रका यातायातहरु एकआपसमा प्रतिस्पर्धामा होमिइसकेको दावी गरे। उनले थपे ‘लामो दुरीमा सुविधासम्पन्न बसहरु चलिरहेका छन्, उच्च प्रतिस्पर्धा छ, लोकल सवारीमा पनि नयाँ नयाँ थपिने क्रम जारी छ, त्यसकारण प्रतिस्पर्धाका नाममा निजी क्षेत्रलाई मार्ने काम बन्द गर्नुपर्छ।’ 
 
शहरी क्षेत्रमा साना सवारीलाई परिमार्जन गरेर आफूहरुले नै ठूला बसहरु चलाउन तयार रहेको जानकारी दिँदै उनले आफूहरुको अरबौं लगानीको सुरक्षा गर्ने जिम्मा सरकारको पनि भएको उल्लेख गरे। 
 

प्रतिकृया दिनुहोस

थप समाचार

  • बाहिरी चक्रपथको निर्माण कार्य तत्काल सुरु हुने

    बाहिरी चक्रपथको  निर्माण कार्य तत्काल सुरु हुने लामो समयदेखि चर्चाको विषय बन्दै आएको काठमाडौं उपत्यका तीन जिल्ला समेट्ने बाहिरी चक्रपथको निर्माण कार्य यही वर्षबाट सुरु हुने भएको छ। चक्रपथ निर्माणको लागि उपत्यका विकास प्राधिकरणले बनाएको विस्तृत अध्ययन प्रतिवेदन(डिपिआर) स्वीकृत भएसँगै निर्माण कार्य सुरु हुने पक्का भएको उपत्यका विकास प्राधिकरणका

  • एडिबी र नेपालबीचको साझेदारीका ५० वर्षः एसियाको समृद्धिमा सहयोग

    एडिबी र नेपालबीचको साझेदारीका ५० वर्षः एसियाको समृद्धिमा सहयोग एसिया–प्रशान्त क्षेत्रको गरिबी घटाउने र भौतिक पूर्वाधारको निर्माणबाट यस क्षेत्रलाई समृद्धिको दिशामा उन्मुख गराउने उद्देश्यले स्थापना भएको एसियाली विकास बैंक (एडिबी) पचासौँ वर्षमा प्रवेश गरेको छ ।

  • स्थानीय लगानीमा २५ मेगावाटको आयोजना बन्ने

    स्थानीय लगानीमा २५ मेगावाटको आयोजना बन्ने स्थानीयवासीको लगानीमा जिल्लामा २५ मेगावाट क्षमताको दरबाङ–म्याग्दीखोला जलविद्युत् आयोजना निर्माण हुने भएको छ। स्वदेश तथा विदेशमा रहेका जिल्लावासीको लगानीमा निर्माण कार्य सुरु गर्न लागिएको सो आयोजना निर्माण कम्पनी दरवाङ कालिका हाइड्रो प्रालिका अध्यक्ष विनोद कुँवरले जानकारी दिए।

  • कर फर्स्यौट आयोगसँग लेखा समितिले माग्यो विवरण

    कर फर्स्यौट आयोगसँग लेखा समितिले माग्यो विवरण संसदको सार्वजनिक लेखा समितिले कर फर्स्यौट आयोगले गरेको कर फरफारक संकास्पद देखिएको भन्दै पूर्ण विवरण माग गर्ने निर्णय गरेको छ। समितिको आज बसेको बैठकले उक्त आयोगसँग कसलाई किन, कसरी र कति कर मिनाहा गरिएको हो र हाल करदाताको आर्थिक अवस्था कस्तो छ? भनेर विवरण माग गर्ने निर्णय गरिएको समितिका सभापति डोरप्रसाद उपाध्यायले जानकारी दिए। कर फर्स्यौट ऐन २०३३ अनुसार चार्टड एकाउन्टेन्ट लुमध्वज महतको अध्यक्षतामा गठित उक्त आयोगले अन्तिम प्रतिवेदन अघिल्लो वर्ष नै सरकारलाई बुझाइसकेको छ।

  • मन्त्रालय सहित अस्पतालहरुले खानेपानीको बक्यौता तिरेनन्

    मन्त्रालय सहित अस्पतालहरुले खानेपानीको बक्यौता तिरेनन् स्वास्थ्य मन्त्रालय तथा मन्त्रालय मातहतका निकाय र सरकारी अस्पतालहरुले खानेपानीको बक्यौता रकम नतिरेको पाइएको छ। काठमाडौं उपत्यका खानेपानी लिमिटेडले बक्यौता रकम उठाउन नसकेपछि मन्त्री शाही आफै खानेपानीको बक्यौता उठाउने भन्दै कसिएका छन्। २०७३ मंसिर मसान्तसम्म काठमाडौं उपत्यका खानेपानी लिमिटेडले उठाउनु पर्ने बक्यौता रकम १ करोड ४३ लाख पुगेको छ ।

किनमेल अनुभव

  • mahindra
  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • worldlink
  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • tata
  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

  • विदेशी भन्दा स्थानीय जुत्ता राम्रो विदेशी भन्दा स्थानीय जुत्ता राम्रो

    मैले धेरै प्रकारको जुत्ता लगाएँ। राम्रो गुणस्तरको जुत्तालाई महँगो पर्ने र सस्तो जुत्ताको गुणस्तर नहुने अनुभव गरेँ। यो धेरैले भोगिरहेको समस्या हो। मलाई एकजना साथीले स्थानीय जुत्ता खरिद गर्न सल्लाह दियो।

    कमल अधिकारी, हेटौंडा

  • रात छिप्पेसँगै बजारमा तरकारी सस्तिँदो रहेछ रात छिप्पेसँगै बजारमा तरकारी सस्तिँदो रहेछ

    म अध्ययनको शिलशिलामा काठमाडौँको घट्टेकुलोमा बस्छु। काठमाडौंमा तरकारी तथा फलफूलको भाउ तुलनात्मक रुपमा महँगो छ। अझ बेलुकी ५ बजेतिर जाँदा त ब्यापारीहरुले भाउ घटाउनै मान्दैनन्।

    सुमन अर्याल, घट्टेकुलो

  • फोटो खिच्दा पनि डिस्काउन्ट माग्छन् ग्राहक फोटो खिच्दा पनि डिस्काउन्ट माग्छन् ग्राहक

    मैले मैतिदेवीमा फोटो स्टुडियो राखेको करिव ५ वर्ष भयो। यो अवधिमा मैले हजारौँ ग्राहकको फोटो खिचेँ। फोटो स्टुडियोमा खासै डिस्काउन्टका लागि बार्गेनिङ हुँदैन र स्टुडियोमा फेन्सी पसलमा जस्तो डिस्काउन्ट गर्नका लागि भनेर धेरै मूल्य पनि तोकिँदैन।

    विकाश दाहाल, फोटोग्राफर काठमाडौं

  • एकपटक धुदा जिन्स पाइन्टको रङ्ग खुइलियो एकपटक धुदा जिन्स पाइन्टको रङ्ग खुइलियो

    करिव एक महिना अगाडि मैले कलंकीको भटभटेनीबाट ३१ सय ७५ रुपैयाँमा एउटा जिन्स पाइन्ट किनेको थिएँ। पाइन्ट बेच्नेले पनि निकै राम्रो हो भन्यो र मैले पनि यति महँगो पाइन्ट भाटभटेनीबाट किनेको के डुब्लिकेट पर्ला र भनेर किनिहालेँ।

    रोशन अधिकारी, चितवन

  • केही ग्राहकले बढी नै बार्गेनिङ गर्न खोज्छन् केही ग्राहकले बढी नै बार्गेनिङ गर्न खोज्छन्

    मेरो बुबाको सुन्धारामा फेन्सी पसल छ। बुबालाई सघाउन म पनि कहिलेकाही पसलमा बस्छु। पसलमा बस्दा अनेक खालका ग्राहकसँग बोल्नुपर्ने हुन्छ। कुनै ग्राहक राम्रै हुन्छन् तर केही ग्राहक भने हद भन्दा बढी नै बार्गेनिङ गर्न खोज्छन्। कोही कोही त हामीले होलसेलबाट ल्याएको मूल्य भन्दा आधा भन्छन्।

    दुर्गा भण्डारी, नयाँ बानेश्वर

लोकप्रिय

सूचनापाटी