राजधानीमा हुइँकिए नेपाल यातायातका ठूला बस

  • Get News Alerts

राजधानीमा नेपाल यातायातका ठूला बस हुइँकिन थालेका छन्। नेपाल यातायातले पुरानालाई विस्थापित गर्दै चार वटा नयाँ बस संचालनमा ल्याएको हो। 
 
बीस वर्ष पुरानो गाडी हटाउने सरकारी निती तथा ग्राहकको कठिनाईलाई मध्यनजर नयाँ बस संचालनमा ल्याइएको नेपाल यातायात मिनिबस सेवा समितिका सचिव गोपालचन्द्र गुरुङले जानकारी दिए। टाटा कम्पनीको यो बस ३५ लाख रुपैयाँ मूल्यको हो।
 
नयाँ बसमा ड्राइभर बाहेक ३४ वटा सिट छन्। उभिएर यात्रा गर्नेको लागि समाउने ह्याङगर समेत जडान गरिएको छ। नेपाल यातायातको पहिलेको बस भने १९ सिट क्षमताको मात्र थियो।
यी नयाँ बसले नेपाल याताायातको छविलाई अझ सुधार गर्ने र यात्रुलाई सहज यात्रा गराउने गुरुङले विश्वास ब्यक्त गरे। ‘नयाँ बसमा राम्रो सिट तथा अफिस आवरमा भिड हुने समयमा उभिएर यात्रा गर्नेको लागि पनि खुला ठाउँ र समाउने ह्याङगर छ, यसले यात्रुलाई अवश्य सहजता हुने छ’ गुरुङले सेतोपाटीसँग भने।
 
नयाँ गाडी वैशाखमै संचालनमा ल्याउने भनिएता पनि कागजी प्रकृयाको कारणले गर्दा केही ढिलो भएको गुरुङले बताए।
 
नेपाल यातायातले अबको एक बर्षमा एक र दुई लटका करिब ५२ वटा बस हटाएर नयाँ बस ल्याउन लागेको सचिव गुरुङले जानकारी दिए।नयाँ बसले आफूहरुलाई निकै सहज हुने नेपाल यातायातका सहचालक सजेस कार्कीले बताए।
‘पुराना गाडीमा धेरै मान्छे हाल्यो भनेर दैनिक जसो प्यासेन्जरको गाली सुन्नु पथ्र्यो तर यो नयाँ गाडीमा सिट पनि धेरै छ र उभिने स्पेस पनि धेरै छ, यसले हामिलाई पनि धेरै सहज हुनेछ’ उनले भने।
 
टाटा कम्पनीको यो मार्कोपोलो, स्टार बस एलपी ७१२/४२ मोडलको हो। नेपाल यातायातका यात्रुले यो बस मन पराउनेमा आफूहरु विश्वस्त रहेको सिप्रदी ट्रेडिङ प्रालिका असिस्टेन्ट प्रोडक्ट म्यानेजर (बस) प्रधुम्न केसीले बताए।
 
 ‘यो मोडलको बस बालाजु यातायात, बालाजु तारकेश्वर यातायात, राष्ट्रिय सार्वजनिक यातायात, धुम्रबराह यातायात, शिवदर्शन यातायात  लगायतमा निकै राम्रो प्रतिकृया पाइरहेको छ र नेपाल यातायातमा पनि त्यस्तै प्रतिकृया पाउने हामीले अपेक्षा गरेका छौँ’ केसीले भने।
 
नेपाल यातायातको यो नयाँ गाडी गोपीकृष्ण– महाराजगञ्ज– टिचिङ–बालुवाटार– पुतलीसडक– अनामनगर– बानेश्वर– कोटेश्वर– बालकुमारीको रुटमा चल्नेछ। 
 

प्रतिकृया दिनुहोस

थप समाचार

  • जमलमा युएम बाइकको एक्सचेन्ज क्याम्प

    जमलमा युएम बाइकको एक्सचेन्ज क्याम्प युएम बाइकले आजबाट जमलस्थित शो रुममा बाइक एक्सचेन्ज क्याम्प आयोजना गरेको छ। क्याम्पमा पुरानो बाइकको उत्कृष्ट मुल्याङ्कन र आकर्षक छुटको व्यबस्था गरिएको आईएमई अटोमोटिभ्सले जनाएको छ।

  • हुन्डाइले ल्याउँदैछ एसयुभी कोना

    हुन्डाइले ल्याउँदैछ एसयुभी कोना दक्षिण कोरियन कार मेकर कम्पनी हुन्डाइ मोटर्सले आफ्नो बजारमा आउन लागेको नयाँ गाडीको टिजर सार्वजनिक गरेको छ। एसयुभी कोना नामक नयाँ गाडी उसले बजारमा ल्याउन लागेको छ। हुन्डाइले न्युर्योकमा भएको अटो शोमा आफ्नो नयाँ गाडी पेश गरेको छ।

  • घाटा खाएर रात्रि सेवा दिँदै साझा यातायात

    घाटा खाएर रात्रि सेवा दिँदै साझा यातायात राजधानीमा साझा यातायात निकै लोकप्रिय छ। बस्नेलाई आरामदायी सिट, उभिएर यात्रा गर्नेको लागि खुला ठाउँ र ह्याङगरको व्यवस्था, उचित भाडा, चालक तथा सहचालकको राम्रो व्यवहार लगायतका कारणले पनि साझा यातायात लोकप्रिय बन्न पुगेको हो।

  • करिब ४० लाख पर्ने रेनोको कार नेपालमा

    करिब ४० लाख पर्ने रेनोको कार नेपालमा रेनो अटोमोटिभको आधिकारिक वितरक एडभान्स अटोमोबाइल प्रालिले लजी स्टेपवे संस्करणको नयाँ गाडी नेपालमा अनावरण गरेको छ। यसको आन्तरिक तथा बाह्य सजावटमा नयाँपनसहितको लजी स्टेपवेले डिजाइन, स्पेस, कार्यदक्षता, सुरक्षा र उत्कृष्ट इन्धन बचतको समिश्रणको अनुभव प्रदान गर्ने कम्पनीको दावी छ। उत्कृष्ट एमपिभी प्रविधियुक्त गाडिको नेपाली बजारमा प्रारम्भिक मूल्य ३९ लाख ९५ हजार कायम गरिएको छ।

  • ‘अब सधै साझा बसमा सरर गइन्छ’

    ‘अब सधै साझा बसमा सरर गइन्छ’ भक्तपुर र काठमाडौँको सिमानामा पर्ने मनोहरा पुलमा भक्तपुरका बासिन्दाको विहानैदेखि निकै तामझाम थियो । उपभोक्ताका नाममा ब्यानर बोकेका भक्तपुरका बासिन्दाले हातमा अबिर, र फूलमाला लिएर बसेका थिए । जब प्रहरीको भ्यानको स्कटिङसहित छवटा साझा बस लाइनले भक्तपुरको नाकामा प्रवेश ग¥यो, तब भक्तपुरका बासिन्दाले गडगडाहट ताली बजाए । कसैले साझा बसमा अबिर र फूल छरेर पूजा गरे भने कसैले चालकलाई टिका र माला लगाईदिएर स्वागत गरे ।

किनमेल अनुभव

  • mahindra
  • पुस्तकको अभावले व्यापार नै डामाडोल भयो पुस्तकको अभावले व्यापार नै डामाडोल भयो

    हामी पुस्तक पसलेहरुले सिजनका बेला पुस्तक पाउन सकेका छैनौँ। नयाँ शैक्षिक सत्र सुरु भएको धेरै दिन बितिसक्दा पनि पुस्तकको अभाव छ। कतिपय कितावहरु त अहिलेसम्म आएकै छैन। चर्को भाडा तिरेर व्यापार गरेका हामी व्यापारीले यो समय केही राहत पाउने बेला हो। तर सिजनमा पुस्तकहरु नपाएपछि पुस्तक पसलेले के बेच्ने ?

    विष्णुप्रसाद खनाल, पाल्पा

  • worldlink
  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • tata
  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

  • विदेशी भन्दा स्थानीय जुत्ता राम्रो विदेशी भन्दा स्थानीय जुत्ता राम्रो

    मैले धेरै प्रकारको जुत्ता लगाएँ। राम्रो गुणस्तरको जुत्तालाई महँगो पर्ने र सस्तो जुत्ताको गुणस्तर नहुने अनुभव गरेँ। यो धेरैले भोगिरहेको समस्या हो। मलाई एकजना साथीले स्थानीय जुत्ता खरिद गर्न सल्लाह दियो।

    कमल अधिकारी, हेटौंडा

  • रात छिप्पेसँगै बजारमा तरकारी सस्तिँदो रहेछ रात छिप्पेसँगै बजारमा तरकारी सस्तिँदो रहेछ

    म अध्ययनको शिलशिलामा काठमाडौँको घट्टेकुलोमा बस्छु। काठमाडौंमा तरकारी तथा फलफूलको भाउ तुलनात्मक रुपमा महँगो छ। अझ बेलुकी ५ बजेतिर जाँदा त ब्यापारीहरुले भाउ घटाउनै मान्दैनन्।

    सुमन अर्याल, घट्टेकुलो

  • फोटो खिच्दा पनि डिस्काउन्ट माग्छन् ग्राहक फोटो खिच्दा पनि डिस्काउन्ट माग्छन् ग्राहक

    मैले मैतिदेवीमा फोटो स्टुडियो राखेको करिव ५ वर्ष भयो। यो अवधिमा मैले हजारौँ ग्राहकको फोटो खिचेँ। फोटो स्टुडियोमा खासै डिस्काउन्टका लागि बार्गेनिङ हुँदैन र स्टुडियोमा फेन्सी पसलमा जस्तो डिस्काउन्ट गर्नका लागि भनेर धेरै मूल्य पनि तोकिँदैन।

    विकाश दाहाल, फोटोग्राफर काठमाडौं

  • एकपटक धुदा जिन्स पाइन्टको रङ्ग खुइलियो एकपटक धुदा जिन्स पाइन्टको रङ्ग खुइलियो

    करिव एक महिना अगाडि मैले कलंकीको भटभटेनीबाट ३१ सय ७५ रुपैयाँमा एउटा जिन्स पाइन्ट किनेको थिएँ। पाइन्ट बेच्नेले पनि निकै राम्रो हो भन्यो र मैले पनि यति महँगो पाइन्ट भाटभटेनीबाट किनेको के डुब्लिकेट पर्ला र भनेर किनिहालेँ।

    रोशन अधिकारी, चितवन

लोकप्रिय

सूचनापाटी