आधा मूल्यमा खुल्यो नेपाल लाइफको एफपिओ

  • Get News Alerts

बजारमा कारोबार भइरहेको मूल्यभन्दा आधामा नेपाल लाइफ इन्स्योरेन्स कम्पनीको एफपिओ (फर्दर पब्लिक अफरिङ) खुला भएको छ।
 
सर्वसाधारणका लागि ३० लाख ९६ हजार ४ सय २९ कित्ता एफपिओको अंकित मूल्य १ सय रुपैयाँ प्रतिकित्तामा प्रिमियम १३ सय २५ रुपैयाँ थपेर बिक्री खुला गरिएको छ। 
 
एफपिओमा कुल ४ अर्ब ४१ करोड रुपैयाँ लगानी रहनेछ। कम्पनीको प्रतिसेयर कुल सम्पत्ति मूल्य नै १७ सय ५९ रुपैयाँ रहेकाले कम्पनीको एफपिओ लगानीकर्ताका लागि निकै आकर्षित देखिन्छ। 
 
बुधबार सबैजसो संकलन केन्द्रहरुमा आवेदन भर्ने र बुझाउनेहरुको लामो लाइन लागेको छ। 
 
मंगलबारसम्म कम्पनीको सेयर मूल्य बजारमा प्रतिकित्ता २८ सय ८० रुपैयाँमा कारोबार भएको छ। एफपिओको मूल्य भने १४ सय २५ रुपैयाँ मात्रै छ। इच्छुक आवेदकले कम्तीमा १० कित्ता अर्थात १४ हजार २ सय २५ रुपैयाँको आवेदन दिनुपर्नेछ।
 
त्यस्तै बढीमा ३० हजार ९ सय ६० कित्ता अर्थात ४ करोड ४१ लाख १८ हजार रुपैयाँको आवेदन दिन सकिनेछ। सर्वसाधारणतर्फ ३० प्रतिशत सेयर स्वामित्व कायम गर्ने उद्देश्यले कम्पनीले एफपिओ निश्कासन गर्न लागेको हो। एफपिओ बिक्री चाँडोमा माघ २ गते बन्द हुनेछ। 
 
कम्पनीको चुक्ता पुँजी २ अर्ब १६ करोड रुपैयाँ रहेको छ। एफपिओपछि २ अर्ब ४७ करोड पुग्नेछ। एफपिओपछि कोषको आकार ४ अर्ब १० करोड रुपैयाँको पुग्नेछ। 
 
कम्पनीले चालु आवको पहिलो त्रैमासिक अवधिसम्म ५ करोड ८९ लाख रुपैयाँ खुद नाफा कमाएको छ। अवधिसम्म कम्पनीको प्रतिसेयर आम्दानी १० रुपैयाँ ८८ पैसा रहेको छ। प्रतिसेयर नेटवर्थ १ सय २१ रुपैयाँ रहेको छ भने मूल्य आम्दानी अनुपात ३ सय ७२ रहेको छ।
 
प्रतिसेयर कुल सम्पत्तिको मूल्य नै १७ सय ५९ रुपैयाँ रहेकाले एफपिओमा लगानी निकै आकर्षित रहेको छ। कम्पनीको एफपिओमा ८ गुणाभन्दा बढीको आवेदन पर्ने अनुमान छ। कम्पनीमा दुई महिनाभन्दा बढी समयसम्म अरबौं रकम होल्ड हुने भएको छ। 
 
कम्पनीको एफपिओमा आवेदन दिनेको संख्या १ लाखसम्म भएमा ४० दिनभित्र, १ भन्दा बढी २ लाखसम्म भएमा ५० दिनभित्र र  २ देखि ३ लाखसम्म भएमा ६० दिन र ३ लाखभन्दा बढीले आवेदन दिएमा ७० दिनभित्र बाँडफाँड गर्नुपर्ने प्रावधान छ। 
 
कहाँ कहाँबाट दिन सकिन्छ आवेदन?
सिद्धार्थ क्यापिटल प्रधान कार्यालय, सिद्धार्थ बैंकका सबैजसो शाखा कार्यालय, एनआईबिएल क्यपिटल लाजिम्पाट, कृति क्यापिटल बागदरबार, लक्ष्मी क्यापिटल नयाँ बानेश्वर, ग्लोबल आईएमई क्यापिटल नाचघरबाट आवेदन दिन सकिनेछ। त्यस्तै सांग्रिला डेभलपमेन्ट बैंकका बालुवाटार र न्यूरोड लगायत कार्यालयबाट पनि आवेदन दिन सकिन्छ। 
 

प्रतिकृया दिनुहोस

थप समाचार

  • ७३ जिल्लामा पुग्यो सेयर भर्ने पहुँच, आस्बाको सुरुवात माइक्रोफाइनान्सबाट

    ७३ जिल्लामा पुग्यो सेयर भर्ने पहुँच, आस्बाको सुरुवात माइक्रोफाइनान्सबाट सेयर बिक्री प्रवन्धकले अब तपाईको जिल्लामा केन्द्र नतोके पनि सेयर भर्न पाउनुहुने भएको छ। एप्लिकेसन सपोर्टेड बाई ब्लक्ड एमाउन्ट ‘आस्बा’ प्रणाली लागू भएसँगै अब ७३ जिल्लामा सेयर भर्ने पहुँच पुगेको छ। नेपाल धितोपत्र बोर्डले आस्बा लागू गर्न विभिन्न ३० वटा वाणिज्य तथा विकास बैंकहरुलाई अनुमति दिएको छ। ति बैंकहरुका शाखा ७३ जिल्लामा संचालन भइरहेका छन्। अनुमति पाउनेमा २१ वाणिज्य र ९ विकास बैंक छन्।

  • एनएमबि बैंकलाई आस्बाको स्वीकृती

    एनएमबि बैंकलाई आस्बाको स्वीकृती एनएमबि बैंकले आफ्ना ग्राहकहरुलाई आस्बा सेवा प्रदान गर्न धितोपत्रबोर्डबाट स्वीकृति प्राप्त गरेको छ । यस प्रविधीबाट शेयरमा लगानी गर्दा लगानी रकम लगानीकर्ताको खाता मै रहने, रकमको ब्याज लगानीकर्ताले पाउने र शेयर परे पश्चात्तको रकम मात्र रोक्का रकमबाट कट्टिने भएकाले लगानीकर्तालाई थप सहयोग पुग्ने बैंकले विश्वास लिएको छ ।

  • घर किन्न यती डेभलपमेण्ट बैंकले १ करोड ऋण दिने

    घर किन्न यती डेभलपमेण्ट बैंकले १ करोड ऋण दिने यती डेभलपमेण्ट बैंकले सहज कर्जा योजना अघि सारेको छ। यती सजिलो कर्जा तथा यती घर कर्जा योजनाहरु उसले अघि सारेको हो । आवश्यक कागजातहरु पुगेको खण्डमा ३ दिन भित्रमा नै ऋण पाउन सक्ने गरी उसले नयाँ योजना ल्याएको हो।

  • नेपाल लाइफको एफपिओमा ५१ अर्ब ८८ करोड संकलन, बाँडफाँड कहिले ?

    नेपाल लाइफको एफपिओमा ५१ अर्ब ८८ करोड संकलन, बाँडफाँड कहिले ? नेपाल लाइफ इन्स्योरेन्स कम्पनीको एफपिओमा ५१ अर्ब ८८ करोड रुपैयाँको आवेदन परेको छ। सेयर बिक्री प्रबद्र्धक सिद्धार्थ क्यापिटलका अनुसार व्यक्तिगत तथा संस्थागत गरी २ लाख ४८ हजार आवेदकबाट सो रकमको आवेदन परेको हो। क्यापिटलका प्रमुख कार्यकारी अधिकृत ध्रुव तिमल्सिनाले ५१ अर्ब ८८ करोड रुपैयाँको आवेदन परेको जानकारी दिए।

  • प्रोफेशनल दियालो प्राप्तीपछि लक्ष्मीको एकीकृत कारोबार

    प्रोफेशनल दियालो प्राप्तीपछि लक्ष्मीको एकीकृत कारोबार लक्ष्मी बैंकले प्रोफेशनल दियालो विकास बैंकलाई प्राप्ती गरी आइतबारबाट एकीकृत कारोबार सुरु गरेको छ। एकीकृत कारोबारपश्चात लक्ष्मी बैंकको ५ वटा नयाँ शाखा काभ्रेको पाँचखाल र भकुन्डेबेसी, सिन्धुपालचोकको चौतारा, चितवनको हाकीमचोक र कास्कीको चिप्लेढुङ्गामा संचालनमा आएको छ।

किनमेल अनुभव

  • अष्ट्रेलियामा मासुभन्दा साग महँगो अष्ट्रेलियामा मासुभन्दा साग महँगो

    नेपालमा मेरो घर ललितपुर हात्तीवन हो। अष्ट्रेलियामा पढ्न आएको एक वर्ष भयो। सिड्नीमा बस्दै आएको छु। नेपाली विद्यार्थी पढ्न भनेर आए पनि सबै अष्ट्रेलिया आएपछि काम गर्नैपर्ने हुन्छ।

    पवन राउत, हाल सिड्नी

  • w
  • थाइल्याण्डमा टिसर्ट धेरै सस्तो थाइल्याण्डमा टिसर्ट धेरै सस्तो

    थाइल्याण्डमा टिसर्ट निकै सस्तो पाइने रहेछ। बुटवल र काठमाडौंमा ८ सयदेखि १५ सयसम्म भनिने टिसर्ट थाइल्याण्डमा नेपाली ३ सय रुपैयाँमा नै पाइने रहेछ। हुन त काठमाडौंमा अधिकांश टिसर्ट थाइल्याण्डबाट नै आउने हो। तर ३ सयको टिसर्टलाई व्यापारीले १५ सयमा बेच्न भने नपाउने हो।

    बालकृष्ण न्यौपाने, बुटवल

  • tata
  • भाटभटेनीमा ९ सयमा छोरालाई किनिदिएको जुत्ता १० दिन लगाउँदा फाट्यो भाटभटेनीमा ९ सयमा छोरालाई किनिदिएको जुत्ता १० दिन लगाउँदा फाट्यो

    मैले गत पुस ३ गत ६ वर्षे छोराको लागि बालाजुमा रहेको भाटभटेनी सुपरमार्केटबाट ९ सय रुपैंयाँमा एक जोर जुत्ता किनेको थिएँ। मेरो छोरोको विद्यालयमा पढ्ने र विद्यालयका लागि अर्कै जुत्ता लगाउनु पर्ने हुँदा उसले १० दिन जति मात्र त्यो जुत्ता लगायो होला।

    जगदिश तिवारी,बालाजु

  • आफ्नै गाडीमा सामान ढुवानी गरेरै दैनिक तीन हजार रुपैयाँ कमाउँछु आफ्नै गाडीमा सामान ढुवानी गरेरै दैनिक तीन हजार रुपैयाँ कमाउँछु

    मेरो घर धनुषा जिल्ला हो। हाल काठमाडौं महाराजगंज बस्दै आएको छु। जनकपुरबाट म विदेश जाने भनेर काठमाडौं आएको हुँ । विदेश पठाउने म्यानपावर र दलालले दिने दुख सम्झेर नेपालमै केही गर्नु पर्यो भनेर बलेरो गाडी किनेँ।

    गौरव श्रेष्ठ (डण्डे), काठमाडौं

  • क्यानडामा कपाल काटेकै १२ सय रुपैयाँ! क्यानडामा कपाल काटेकै १२ सय रुपैयाँ!

    म क्यानडा आएको एक वर्ष भयो । क्यानडाको बा्रम्टन भन्ने ठाँउमा मेरो बसाई छ । नेपामा मेरो घर ललितपुर जिल्लाको इमाडोलमा हो । पुख्र्याैली घर भने झापा जिल्ला पर्छ । नेपाल र क्यानडाको तुलना गर्न त मिल्दैन। यहाँ हरेक कुराको सिस्टम छ र नागरिक पनि त्यहिअनुसार चलेका छन् । नेपालको तुलनाका कमाई राम्रो भएपनि खर्च पनि त्यतिनै हुने रहेछ ।

    बालकुमार कार्की , क्यानडा

  • बार्गेनिङ गर्न सपिङ कम्प्लेक्समा दिदीसँगै जान्छु बार्गेनिङ गर्न सपिङ कम्प्लेक्समा दिदीसँगै जान्छु

    म नर्सिङको बिद्यार्थी हुँ। सपिङ गर्न प्राय सपिङ कम्पेक्सहरुतिर नै जाने गरेकी छु। मलाई बार्गेनिङ गर्न आउँदैन त्यसैले जाँदा सधै दिदीहरु लिएर जाने गरेकी छु।

    इन्जु धामी

  • एक वर्षमै एउटा ज्याकेटको मुल्य १ हजार बढ्यो एक वर्षमै एउटा ज्याकेटको मुल्य १ हजार बढ्यो

    बर्षैपिच्छे सामानहरुको भाउ अपत्यारीलो तरीकाले बढीरहेको छ । पोहोर साल मैले एउटा ‘लेदर लुक्स ज्याकेट’ २५ सय रुपैयाँमा किनेको थिए । यसपाली त्यस्तै क्वालिटीको ज्याकेटलाई पसलेहरुले ३५ सय भन्छन् । एकै बर्षमा एक हजार मुल्य बृद्धी, यो त अत्ति भयो नि । हामि जस्तो बिद्यार्थीहरुलाइ मुल्य बृद्धीले प्रत्यक्ष असर पारेको छ । यस बिषयमा पनि सरकारले ध्यान दिए हुन्थ्यो ।

    अमृत बस्नेत

  • खेलकुदका सामग्रीमा त नठगे हुने नि खेलकुदका सामग्रीमा त नठगे हुने नि

    म ललितपुर जिल्लाको राष्ट्रिय तेक्वादो कार्यसमितिको सचिव छु। म प्रायः जिल्लामा खेलकुद प्रतियोगिता संचालन गर्छु । खेलकुद सामाग्री किन्न बिभिन्न स्पोर्ट हाउमा गएको छु। सबै पसलमा सामान कमसल राखेर मुल्य बढी लिने गरेको जस्तो लागेको छ । एक त स्पोर्ट हाउस कम भएको सामाग्रि किन्नै प¥यो । राम्रो सामाग्री भएन भने खेलाडि देखि सबैको अफिसियल साथीहरुको चित्त बुझ्दैन खेलकुद जस्तो पेसाको सामानमा त कमसेकम नठगेको भए हुन्थ्यो जस्तो लाग्छ ।

    बिमलकुमार अछामी

लोकप्रिय

सूचनापाटी