सेयर बजारमा २५ अंकको वृद्धि, उल्लेख्य कारोबार

  • Get News Alerts

सेयर बजारमा आइतबार करिब २५ अंकको वृद्धि भएको छ। २४ दशमलव ८५ अंकको वृद्धिपछि नेप्से १३ सय ८२ अंकमा कायम भएको छ। कारोबार खुलेदेखि बढेको नेप्से अन्तिम समयसम्म उकालो लाग्दा बजारमा उल्लेख्य वृद्धि भएको हो। 
 
यस दिन कारोबार रकममा पनि उल्लेख्य वृद्धि भएको छ। १ सय ३६ कम्पनीको ६८ करोड ७७ लाख रुपैयाँको सेयर किनबेच भयो। यसअघि बिहीबार १ सय ३६ कम्पनीको ५३ करोड ७३ लाख रुपैयाँको सेयर कारोबार भएको थियोा। 
 
 यस दिन सबै समूहहरु बढेका छन्। बैंकिङ १२. ९, होटल ६०, विकास बैंक १७, जलविद्युत ५५, फाइनान्स ६, बिमा ३६७, उत्पादन २ र अन्य समूह ९ अंकले बढेका छन्। 
 
एनसीसी बैंकको सबैभन्दा बढी रकमको सेयर कारोबार भयो। कम पुँजी भएको र बजारमा सस्तो मूल्य भएकाले कम्पनीको सेयरमा लगानीकर्ता आकर्षित भएका छन्। सो बैंकको ६ करोड १२ लाखको कारोबार भयो। मूल्य प्रतिकित्ता ३ सय ४३ पुगेको छ। 
 
नेसनल लाइफको ४ करोड ३५ लाखको कारोबार भयो। नेपाल बंगलादेश, नेपाल बैंक तथा नेपाल लाइफ इन्स्योरेन्स कम्पनी पनि कारोबारका आधारमा अगाडि रहे। 
 
बिमा कम्पनीका लगानीकर्ता नाफाका आधारमा अगाडि देखिएका छन्। पुँजी बढाउनका लागि वाणिज्य बैंकहरुको सेयर संख्या बढ्नु तर बिमा कम्पनीको पूर्ति बढ्न नसकेकाले हालका दिनमा बिमा कम्पनीको मूल्य केही बढ्दै गएको पाइन्छ।
 
 प्राइम लाइफ, एभरेष्ट इन्स्योरेन्स तथा प्रभु इन्स्योरेन्सको मूल्य ९ दशमलव ९ प्रतिशतले बढेको छ। प्रभु इन्स्योरेन्सको ५० प्रतिशत हकप्रदपछि मूल्य समायोजन भई प्रतिकित्ता ७ सय ३३ मा कायम भए पनि कारोबार बन्द हुँदा मूल्य बढेर ८ सय ६ रुपैयाँ पुगेको छ। 
 
राप्तीभेरी विकास बैंकका लगानीकर्ताले ४.३ प्रतिशत तथा सिन्धु विकास बैंकका ३.३ प्रतिशत मूल्य गुमाएर अगाडि रहे। यसैबीच म्युचुअल फण्ड एनआईबिएल प्रगतिको ७ करोड ५० लाख इकाई सूचीकृत भएको छ। 
 
नेप्सेले थप तीन क्लियरिङ बैंक छनौट गर्नु,  सेयर खरिदबिक्री आदेशलाई अनलाइनमा ल्याउन प्रयास हुनु र देशमा स्थानीय तहको चुनाव हुने अपेक्षा लगानीकर्तामा बढ्नाले आजको बजारमा एक्कासी उछाल आएको लगानीकर्ता बताउँछन्। ‘तीन क्लियरिङ बैंक छनौट भएपनि कारोबार खुल्दा नै बजार बढ्न थाल्यो, मनोबल बढ्दै गएपछि उकालो यात्रा रोकिएन’ लगानीकर्ता पिताम्वर तिम्सिनाले भने। 
 
यसअघि नेप्सेले प्रभु, इन्भेष्टमेन्ट र सिद्धार्थ बैंकलाई क्लियरिङ बैंकको जिम्मा दिनेगरी छनौट गरेको थियो।(हेर्नुहोस्: क्लियरिङ बैंकका रुपमा छानिए तीन वाणिज्य बैंक) 
 
त्यस्तै सेयर खरिदबिक्री आदेशलाई अनलाइन प्रणालीमार्फत गर्नेगरी अघि बढ्न नेपाल धितोपत्र बोर्डले देखाएको तदारुकताले पनि बजारलाई बढ्न टेवा पुगेको हो। यसअघि शुक्रबार मात्रै बोर्डले यस सम्वन्धमा सम्वद्ध पक्षहरुसित परामर्श गरेको थियो। (हेर्नुहोस् : सेयर खरिदबिक्री आदेशमा अनलाइन प्रणाली लागू गर्ने सम्वन्धमा छलफल) 
 
यद्यपी लगानीकर्ता अहिले सेयर किन्न आत्तिनुपर्ने अवस्था भने नरहेको उनी बताउँछन्। ‘भोलि सेयर किन्नै पाइँदैन कि, या अब सधै बढीरहन्छ भन्ने मानसिकता बनाउनु हुँदैन, संयम भएर लगानी गर्नु जरुरी छ’ उनले भने। 
 
राजनीतिक गतिरोध समाधान भइनसकेकाले भोलि केही अप्ठेरो थपिँदा बजार झन् ठूलो अंकमा घट्न सक्नेतर्फ पनि लगानीकर्ता सचेत हुनुपर्नेमा उनले जोड दिए। ‘आज बढेको बेला किन्नेले भोलि घट्दाखेरि बेचिहाल्ने हो भने नकिन्नुहोस्, घाटा हुन्छ तर एक वर्ष पर्खिन सक्नेले अहिले किन्दा हुन्छ’ उनले सुझाए।

 

प्रतिकृया दिनुहोस

थप समाचार

  • साताभर १२ अंकले घट्यो नेप्से, यी हुन् कारोबारमा उत्कृष्ट कम्पनी

    साताभर १२ अंकले घट्यो नेप्से, यी हुन् कारोबारमा उत्कृष्ट कम्पनी यस साता नेप्से परिसूचक १२ दशमलव ३८ अंकले घटेको छ। पहिलो दिन आइतबार १६४२ अंक रहेकोमा अन्तिम दिन बिहीबार नेप्से १६२९ अंकमा कायम भएको छ। स्टक एक्सचेन्जमा १७८ कम्पनीहरुको तीन अर्ब पाँच करोड रुपैयाँको सेयर किनबेच भएको छ।

  • ग्लोबल आईएमई बैंकको बाढी पीडितलाई ६५ लाख

    ग्लोबल आईएमई बैंकको बाढी पीडितलाई ६५ लाख ग्लोबल आइएमई बैंकले बाढी पीडितका लागि ६५ लाख रुपैयाँ सहयोग गरेको छ। तत्काल राहत पुर्याउनका लागि प्रधानमन्त्री दैवी प्रकोप उद्दार कोषलाई सो रकम हस्तान्तरण गरिएको बैंकले जनाएको छ।

  • सेयर बजारमा अवैध रकम छिर्न नदिन बोर्डद्वारा ब्रोकर अधिकृतहरुलाई प्रशिक्षण

    सेयर बजारमा अवैध रकम छिर्न नदिन बोर्डद्वारा ब्रोकर अधिकृतहरुलाई प्रशिक्षण सेयर बजारमा कुनै पनि अवैधानिक रकम छिर्न नदिन धितोपत्र बोर्डले ब्रोकर नियम पालना अधिकृतहरुलाई सचेत गराएको छ। एक कार्यक्रमको आयोजना गरी बोर्डले ७५ जना ब्रोकर प्रतिनिधीहरुलाई प्रशिक्षण दिएको छ।

  • बैंक अफ काठमाण्डुको सिइओमा शोभन देव पन्त

    बैंक अफ काठमाण्डुको सिइओमा शोभन देव पन्त बैंक अफ काठमाण्डुको सिइओमा शोभनदेव पन्त नियुक्त भएका छन्। आज बसेको संचालक समितिको बैठकले बैंकको प्रमुख कार्यकारी अधिकृत पदमा पन्तलाई चार वर्षको लागि नियुक्त गर्ने निर्णय गरेको हो।

  • साझा र देव विकासको सेयर अनुपातः एक बराबर एक

    साझा र देव विकासको सेयर अनुपातः एक बराबर एक देवः विकास बैंकको साधारणसभाले साझा विकास बैंकलाई प्राप्ती गरेपछिको सेयर अनुपात टुंगो लगाएको छ। लैनचौर बैङक्वेट्समा संचालक समितिका अध्यक्ष प्रा.डा. सुवर्णलाल बज्राचार्यको अध्यक्षतामा सम्पन्न सभाले साझा विकास बैंकको १ कित्ता सेयर बराबर देवको १ कित्ता सेयर प्रदान गर्ने प्रस्ताव पारित गरेको हो।

किनमेल अनुभव

  • mahindra
  • सैलुनमा दाह्री काट्नुभन्दा मेसिन किनेर काट्नु ठीक रहेछ सैलुनमा दाह्री काट्नुभन्दा मेसिन किनेर काट्नु ठीक रहेछ

    सबै बस्तु तथा सेवामा महँगी बढ्दै गएको छ। काठमाडौंमा कपाल र दाह्री काटेको भाउ अचाक्ली महँगो छ। मेरो दाह्री हप्ता हप्तामा काट्नु पर्छ। शैलुनमा एक पटक दाह्री सेभिङ गराएको ५० रुपैयाँ लाग्छ।

    राजेश सापकोटा, कपन, काठमाडौँ

  • worldlink
  • महँगो स्मार्टफोन भन्दा बजेट स्मार्टफोन नै जाति महँगो स्मार्टफोन भन्दा बजेट स्मार्टफोन नै जाति

    म जापानमा छु । नेपालीहरु महँगो स्मार्टफोनमा किन्छन् । अहिले बजारमा आएका बजेट स्मार्टफोन र ती महँगा स्मार्टफोनको लगभग फिचर उस्ताउस्तै छन् । काम एकै गर्ने हो। त्यसैले महँगो रकम हालेर राम्रो स्मार्टफोन किन्नुभन्दा बजेट फोन किन्नु नै उत्तम देखेँ।

    सौरभसिंह कार्की, जापान

  • tata
  • दहीमा केमिकल मिसावट भएको थाहा पाए पछि किन्नै छाडेँ दहीमा केमिकल मिसावट भएको थाहा पाए पछि किन्नै छाडेँ

    म चावहिलमा बस्छु । म गौशाला तथा चावहिल आसपासमा रहेको डेरीबाट खुल्ला दही किन्ने गरेको छ। मैले किन्ने दहीमा मिसावट भएको मैले पाएको छु । बाक्लो, लेसिलो पाराको दही स्वादमा पनि फरक पाएको छु ।

    मनोज सुवेदी, चावहिल

  • जिराधनियाँ मिसाएर आफैँले पिसेको मसला उत्तम जिराधनियाँ मिसाएर आफैँले पिसेको मसला उत्तम

    मैले मसलाको व्यापार गर्न सुरु गरेको करिव ११ वर्ष भयो। घट्टेकुलोमा मेरो गृहिणी नामको मसला पसल छ। भर्खरै मैले आफ्नो उत्पादन चिनाउन अधिकारी मसला उद्योगको नामले ब्राण्डिङ पनि सुरु गरेको छु।

    विवेक अधिकारी, घट्टेकुलो काठमाडाैं

  • पुस्तकको अभावले व्यापार नै डामाडोल भयो पुस्तकको अभावले व्यापार नै डामाडोल भयो

    हामी पुस्तक पसलेहरुले सिजनका बेला पुस्तक पाउन सकेका छैनौँ। नयाँ शैक्षिक सत्र सुरु भएको धेरै दिन बितिसक्दा पनि पुस्तकको अभाव छ। कतिपय कितावहरु त अहिलेसम्म आएकै छैन। चर्को भाडा तिरेर व्यापार गरेका हामी व्यापारीले यो समय केही राहत पाउने बेला हो। तर सिजनमा पुस्तकहरु नपाएपछि पुस्तक पसलेले के बेच्ने ?

    विष्णुप्रसाद खनाल, पाल्पा

  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

लोकप्रिय

सूचनापाटी