नझुक्किनुहोला, आवेदन भर्दैमा सबैले सेयर पाइँदैन !

  • Get News Alerts

सेयरमा आवेदन भर्दैमा दस कित्ता पाइन्छ भनेर नझुक्किनुहोला। नयाँ धितोपत्र निश्कासन तथा बाँडफाँड निर्देशिकाले सबैलाई दस कित्ता सेयर दिने उल्लेख गरे पनि खाली हात बस्नुपर्ने अवस्थाको भने अन्त्य गर्न सक्ने छैन। 
 
धितोपत्र निश्कासन तथा बाँडफाँड निर्देशिका २०७४ को ३० नम्वर बुँदा उपदफा १ मा ‘धितोपत्र बाँडफाँड गर्दा सवैभन्दा पहिले सबै आवेदकलाई दस कित्ताको दरले बाँडफाँड गर्नुपर्नेछ’ भनेर स्पष्ट रुपमा उल्लेख गरेको छ। तर कतिपय अवस्थामा सेयर भर्ने सबै आवेदकलाई १० कित्ता सेयर दिन संभव नरहेको स्वयम् धितोपत्र बोर्ड स्वीकार गर्दछ।   
 
बोर्डका प्रवक्ता तथा कार्यकारी निर्देशक निरज गिरीले आगामी साउन महिनादेखि (आस्बा प्रणाली लागू भएपछि) संभव भएमा सेयर भर्ने सबैलाई कम्तीमा १० कित्ता दिइने अवधारणालाई निर्देशिकामा उल्लेख गरिएको बताए। तर यो असम्भव देखिएको अवस्थामा भने गोलाप्रथा नै गर्नुपर्ने उनले स्पष्ट पारे। 
 
सोही बुँदाको निर्देशिकाको उपदफा ४ ले सबैलाई दस कित्ताका दरले बाँडफाँड गर्न अपुग हुने अवस्थामा न्यूनतम १० कित्ता पाउनेगरी गोलाप्रथाबाट छनौट गरिने भन्ने व्यवस्था पनि स्पष्ट पारेको छ। 
 
सेतोपाटीसित कुराकानी गर्दै कार्यकारी निर्देशिक गिरीले भने ‘निर्देशिकाको एउटा उपदफा मात्रै हेरेर, केही बंग्याएर समाचारहरु आए, तर संभव नभएको अवस्थामा गोलाप्रथा नै गर्नुपर्ने हुन्छ, जुन ४ नं.को उपदफाले स्पष्ट पारेको छ।’  
 
यदी निश्कासन गरिएको सेयरको संख्या आवेदन दिने सबैलाई बाँडफाँड गर्दा १० कित्ता वा सोभन्दा बढी पर्ने अवस्थामा भने सबैलाई १० कित्ता दिएर बाँकी रहेको सेयर पुनः गोलाप्रथाबाट बाँडफाँड हुनेछ। तर यदी निश्कासन गरिएको सेयर संख्यालाई आवेदकको संख्याले भाग गर्दा १० भन्दा तलको अंक आएमा भने गोलाप्रथा नै गर्नुपर्ने र आवेदकले नपाउने अवस्था पनि आउने गिरीले स्पष्ट पारे। 
 
विगतमा जारी भएका कम्पनीको प्राथमिक सेयर र आवेदकको संख्या हेर्दा धेरैमा यो संभव देखिँदैन। हालै बाँडफाँड भएको स्वदेशी लघुवित्त कम्पनीको २ लाख ७३ हजार कित्ता आइपिओका लागि आवेदन दिनेको संख्या ९० हजार ८ सय थियो। प्रत्येकलाई १० कित्ता दिइँदा पनि यो कम्पनीमा जम्मा ३३ प्रतिशत संख्याले मात्रै सेयर पाउने थिए। यस्तो अवस्थामा गोलाप्रथा नै हुने निर्देशक गिरीले बताए।
 
खुलेको सेयर संख्याका आधारमा आवेकको संख्या पनि धेरै देखिने गर्दछ। जलविद्युत लगानी तथा विकास कम्पनीमा ३ लाख ४ हजारले आवेदन दिएका थिए। जसमा २ करोड कित्ता सेयर खुलाइएको थियो। 
 
यस्तो ठूलो परिमाणको सेयर खुलेको अवस्थामा भने सबैले सेयर पाउनेगरी नयाँ निर्देशिकाले ग्यारेन्टी गरेको छ। 
 
निर्देशिका लागू भएपछि ठूला र साना लगानीकर्ताबीचको विभेद पनि हटेको छ। एक करोड रुपैयाँको सेयर आवेदन हाल्ने र १० हजारको हाल्नेले बराबरी कित्ता पाउने ढोका नयाँ निर्देशिकाले खोलेको छ। यसबाट धेरै हदसम्म विकृतिहरु हट्ने भन्दै लगानीकर्ता संघले स्वागत गरेको छ।
 
संघका महासचिव नवराज सुवेदीले धेरै संख्यालाई पुँजी बजारमा संलग्न गराउन र पुँजी एकीकृत गर्न नयाँ निर्देशिका उपयुक्त रहेको बताए। ‘साना ठूला सबै लगानीकर्तालाई बराबरी हिस्सा दिएको छ, त्यो उपलव्धीमूलक छ’ उनले भने। 
 
 
 
 

प्रतिकृया दिनुहोस

थप समाचार

  • एनएमबि बैंकमा निःशुल्क आस्बा सेवा

    एनएमबि बैंकमा निःशुल्क आस्बा सेवा एनएमबि बैंकले पनि आस्बा सेवा निशुल्क गरेको छ। आस्बा प्रणालीमार्फत सेयर भर्दा शुल्क नलाग्ने बैंकले जनाएको छ। धितोपत्र बोर्डले आस्बा सेवा दिँदा प्रतिफारम १ सय रुपैयाँसम्म शुल्क लाग्ने व्यवस्था गरेपनि एनएमबि बैंकसहित केहीले निशुल्क गराएका हुन्।

  • श्रम बैंक र रेमिट्यान्स शुल्कको छुट बजेटमा नपर्दा कामदार मर्कामा

    श्रम बैंक र रेमिट्यान्स शुल्कको छुट बजेटमा नपर्दा कामदार मर्कामा नयाँ बजेटले वैदेशिक रोजगारको विषयलाई प्राथमिकतामा राखे पनि वैदेशिक रोजगारीमा रहेका कामदारको समस्या समाधानको विषय भने समावेश हुन सकेन। खासगरी विगत तीन वर्षदेखि नीति तथा कार्यक्रममा समावेश हुँदै आएको श्रम बैंक स्थापनाको लक्ष्यलाई यस पटकको बजेट तथा नीति कार्यक्रममा समावेश नै गरिएन।

  • साढे १० अंकले ओर्लियो नेप्से

    साढे १० अंकले ओर्लियो नेप्से साताको पहिलो दिन साढे १० अंकले नेप्से ओर्लिएको छ। कारोबार बन्द हुँदा १५ सय ९३ अंकमा नेप्से अडेको छ। १ सय ४१ कम्पनीको ५५ करोड ६७ लाख रुपैयाँको सेयर खरिदबिक्री भएको छ।

  • वृद्ध भत्ता घर घरमै दिइने

    वृद्ध भत्ता घर घरमै दिइने बैंकमार्फत दिइँदै आएको सामाजिक सुरक्षाभत्ता आगामी आवदेखि घर घरमै वितरण गरिने भएको छ। सामाजिक सुरक्षा भत्ता लिन टाढाको बैंकसम्म पुग्न अशक्त तथा वृद्धवृद्धाले ज्यादै सास्ती खेप्नुपरेको परिस्थितिलाई ध्यानमा राखी सिन्धुपाल्चोक, चौतारा साँगाचोकगढी नगरपालिकाका प्रमुख अमानसिङ तामाङले वृद्ध वृद्धाको सुविधाको लागि घर÷घरमै गएर वितरण गरिने बताए।

  • माहुलीको सेयर बाँडफाँड, १३ प्रतिशत आवेदकले मात्रै पाए

    माहुलीको सेयर बाँडफाँड, १३ प्रतिशत आवेदकले मात्रै पाए माहुली लघुवित्तको यसअघि खुलेको प्राथमिक सेयर (आइपिओ) बाँडफाँड भएको छ। शनिबार एक कार्यक्रमका बीच बिक्री प्रवन्धक सनराइज क्यापिटलले आइपिओ बाँडफाँड गरेको हो।

किनमेल अनुभव

  • mahindra
  • सैलुनमा दाह्री काट्नुभन्दा मेसिन किनेर काट्नु ठीक रहेछ सैलुनमा दाह्री काट्नुभन्दा मेसिन किनेर काट्नु ठीक रहेछ

    सबै बस्तु तथा सेवामा महँगी बढ्दै गएको छ। काठमाडौंमा कपाल र दाह्री काटेको भाउ अचाक्ली महँगो छ। मेरो दाह्री हप्ता हप्तामा काट्नु पर्छ। शैलुनमा एक पटक दाह्री सेभिङ गराएको ५० रुपैयाँ लाग्छ।

    राजेश सापकोटा, कपन, काठमाडौँ

  • worldlink
  • महँगो स्मार्टफोन भन्दा बजेट स्मार्टफोन नै जाति महँगो स्मार्टफोन भन्दा बजेट स्मार्टफोन नै जाति

    म जापानमा छु । नेपालीहरु महँगो स्मार्टफोनमा किन्छन् । अहिले बजारमा आएका बजेट स्मार्टफोन र ती महँगा स्मार्टफोनको लगभग फिचर उस्ताउस्तै छन् । काम एकै गर्ने हो। त्यसैले महँगो रकम हालेर राम्रो स्मार्टफोन किन्नुभन्दा बजेट फोन किन्नु नै उत्तम देखेँ।

    सौरभसिंह कार्की, जापान

  • tata
  • दहीमा केमिकल मिसावट भएको थाहा पाए पछि किन्नै छाडेँ दहीमा केमिकल मिसावट भएको थाहा पाए पछि किन्नै छाडेँ

    म चावहिलमा बस्छु । म गौशाला तथा चावहिल आसपासमा रहेको डेरीबाट खुल्ला दही किन्ने गरेको छ। मैले किन्ने दहीमा मिसावट भएको मैले पाएको छु । बाक्लो, लेसिलो पाराको दही स्वादमा पनि फरक पाएको छु ।

    मनोज सुवेदी, चावहिल

  • जिराधनियाँ मिसाएर आफैँले पिसेको मसला उत्तम जिराधनियाँ मिसाएर आफैँले पिसेको मसला उत्तम

    मैले मसलाको व्यापार गर्न सुरु गरेको करिव ११ वर्ष भयो। घट्टेकुलोमा मेरो गृहिणी नामको मसला पसल छ। भर्खरै मैले आफ्नो उत्पादन चिनाउन अधिकारी मसला उद्योगको नामले ब्राण्डिङ पनि सुरु गरेको छु।

    विवेक अधिकारी, घट्टेकुलो काठमाडाैं

  • पुस्तकको अभावले व्यापार नै डामाडोल भयो पुस्तकको अभावले व्यापार नै डामाडोल भयो

    हामी पुस्तक पसलेहरुले सिजनका बेला पुस्तक पाउन सकेका छैनौँ। नयाँ शैक्षिक सत्र सुरु भएको धेरै दिन बितिसक्दा पनि पुस्तकको अभाव छ। कतिपय कितावहरु त अहिलेसम्म आएकै छैन। चर्को भाडा तिरेर व्यापार गरेका हामी व्यापारीले यो समय केही राहत पाउने बेला हो। तर सिजनमा पुस्तकहरु नपाएपछि पुस्तक पसलेले के बेच्ने ?

    विष्णुप्रसाद खनाल, पाल्पा

  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

लोकप्रिय

सूचनापाटी