नेपालमा लगानी गर्ने विदेशीको इच्छालाई प्रतिबद्धतामा बदल्ने यस्तो छ सरकारी योजना

  • Get News Alerts

साढे दुई दशकपछि भएको लगानी सम्मेलनमा विदेशी लगानीकर्ताहरु नेपालमा लगानी गर्न उत्साहित देखिएका छन्।

आज समापन भएको दुई दिने उक्त सम्मेलनको क्रममा विभिन्न देशका १६ कम्पनी तथा व्यावसायिक फार्महरुले १३ अर्ब ५२ करोड अमेरिकी डलर रुपैयाँ बराबरको लगानी गर्ने इच्छा देखाएका छन्। त्यस्तै रकम नखुलाएर क्षेत्रगत हिसाबले लगानी गर्न इच्छुक हुनेहरुको संख्या पनि त्यत्तिकै रहेको अधिकारीहरुले बताएका छन्।

'नेपालमा लगानीको वातावरण छ, लगानी गर्न आउनुहोस्' भनेर विश्वभरका लागनीकर्तालाई आव्हान गर्दै आयोजना गरिएको सम्मेलनमा लगानीकर्ताहरुले जलविद्युतदेखि विमानस्थलसम्म लगानी गर्न इच्छा देखाएका छन्।

तर सम्मेलनमा विदेशीहरुले लगानी प्रतिबद्धता भने गरेका होइनन् केवल इच्छामात्र व्यक्त गरेका छन्। यसलाई लगानीमा रुपान्तरण गर्न सरकार सामू ठूलै चुनौती रहेको स्वयम् उद्योगमन्त्री नविन्द्रराज जोशी स्वीकार गर्छन्। तर, मन्त्री जोशी यो इच्छालाई वास्तविक लगानीमा रुपान्तरण गर्न आफूहरुसँग पूर्ण तयारी रहेको दाबी गर्छन्।

‘अब नेपालमा लगानीको सम्भावनामात्र होइन वातावरण पनि छ भन्ने कुरामा कसैको दुईमत रहेन’ उनले भने, ‘तर यसरी आएको लगानीको इच्छालाई हामी वास्तविक लगानीमा रुपान्तरण गर्न यसपछि झन् कडा मेहनतका साथ लागिपर्छौं।’

लगानीकर्ताहरुले जलविद्युत, उत्पादनमुलक उद्योग, हस्पिटल, मेट्रो, खानेपानी, खानीजस्ता क्षेत्रमा लगानी इच्छा देखाएका छन्। तर सरकारसँग त्यसको लागि हालसम्म तयारी अवस्थामा रहेका सिमित आयोजनामात्र होइन प्रक्रियागत झन्झट र नीतिगत समस्या पनि यथावत छन्।

हाल आएको लगानीकर्ताको इच्छालाई वास्तविक लगानीमा रुपान्तरण गर्न भोलिदेखि नै गम्भीर गृहकार्यमा जुट्ने र अहिले नेपाललाई समृद्ध बनाउने सुनौलो अवसर जुरेको समयमा खेर जान नदिने प्रतिबद्धता मन्त्री जोशीको छ।

उनका अनुसार यसको लागि उद्योगमन्त्रीको नेतृत्वमा एउटा मूल समिति बन्ने छ, जसको माताहतमा चारवटा फलोअप समिति पनि बन्नेछन्। जुन समितिहरुले लगानीकर्ताहरुलाई निरन्तर फलोअप गर्नेछन्।

फलोअपमात्र होइन त्यस्ता समितिहरुले लगानीकर्ताहरुको सरोकारलाई पनि सम्बोधन गर्ने र उनीहरुको इच्छालाई प्रतिबद्धतामा रुपान्तरण गर्ने वातावरण सिर्जना गर्नेतिर लाग्ने लगानी बोर्डका प्रमुख कार्यकारी अधिकृत महाप्रसाद अधिकारीले जानकारी दिए।

आयोजनाहरुको छनौट गर्ने, लगानीकर्ताको इच्छालाई फिल्टर गर्नेजस्ता काममा लगानीबोर्ड लगायतका समिति तथा विभिन्न संयन्त्रहरु सक्रियरुपमा लागिपर्ने अधिकारीको भनाइ छ।

नेपालीमा लगानी गर्न विदेशीहरु यति धेरै इच्छुक भएको पहिलोपटक भएको र यो नेपालको लागि गौरवमय क्षण भएकोले राज्यका सबै निकायको साथ सहयोग र ऐक्यवद्धता आवश्यक रहेको उद्योगमन्त्रीले बताए।

‘यो सम्मेलनको आयोजना, र देशमा विकास हुँदै गरेको लगानीको वातावरणमा सबैको योगदान उत्तिकै छ’ उनले भने, ‘यो कुनै मन्त्री, पार्टी वा निकायको मात्र सफलता हुने छैन। देशकै गौरव हुनेछ।’

सम्मेलनको दौरानमा लगानीकर्ताहरुले पनि पटकपटक दोहर्‍याएको नेपालमा लगानीको लागि नीतिगत अस्पष्टता, कानूनी झन्झट, प्रक्रियागत ढिलासुस्ती जस्ता सवालमा सुधारको प्रयास भइरहेको सरकारी अधिकारीहरुले प्रष्ट पारेका छन्।

कुनै पनि कारणले समृद्ध नेपालको यात्रा रोकिन नहुनेमा स्पष्ट रहेको बताउँदै उद्योगमन्त्री जोशीले भने, ‘हाम्रो परम्परागत प्रशासनिक अभ्यास र कानूनी व्यवस्थाको कारणले समृद्ध नेपालको यात्रामा बाधा आउनुहुँदैन भन्नेमा हामी उत्तिकै सचेत छौं।’

एकद्वार नीतिलाई वास्तविकरुपमा कार्यान्वयनको लागि सरकारले नीतिगत निर्णय गरिसकेको र अन्य कानूनहरु परिवर्तनको क्रममा रहेको उद्योग मन्त्रालयका अधिकारीहरुले जनाएका छन्।

बौद्धिक सम्पत्तिको रक्षा गर्न बनेको ऐन संसदको सम्बन्धित समितिमा विचाराधीन रहेको, कम्पनी ऐन संसदमा पास हुनेक्रममा रहेको, वैदेशिक व्यापार प्रबद्र्धन ऐन मन्त्रीपरिषदमा गएको मन्त्री जोशीले जानकारी दिए।

यी सबै कानूनहरु पास भएर आउनेवित्तिकै धेरैहदसम्म प्रक्रियागत र कानूनी झन्झट दूर भएर जाने सरकारले विश्वास लिएको छ।

 

प्रतिकृया दिनुहोस

थप समाचार

  • भृकुटीमण्डपमा फर्निचर एक्स्पो

    भृकुटीमण्डपमा फर्निचर एक्स्पो राजधानीको भृकुटीमण्डपमा शनिबारदेखि फर्निचर एक्स्पो सुरु भएको छ। फर्निचर एण्ड फर्निसिङ एशोसियसन नेपालको आयोजनामा सुरु भएको फर्निचर एक्स्पोमा विभिन्न घरायसी तथा व्यवसायीक प्रयोजनका काठ तथा प्लाष्टिकका फर्निचरहरु राखिएको छ।

  • यती एयरक्राफ्टको उडान नेपालगञ्ज र बिराटनगरमा

    यती एयरक्राफ्टको उडान नेपालगञ्ज र बिराटनगरमा यती एयरलाइन्सको एटीआर ७२–५०० एयर क्राफ्टले नेपालगञ्ज र बिराटनगरबाट आफ्नो व्यवसाय थाल्ने भएको छ। काठमाडौंबाट नेपालगञ्ज र बिराटनगरमा एटिआरले व्यवसायिक रुपमा उडान भर्ने यतीले जनाएको छ।एयर क्राफ्टले नेपालगञ्ज र बिराटनगरबाट आफ्नो व्यवसाय थाल्ने भएको छ।

  • तीजको साडीमा रँगियो बजार ! यस्तो छ मूल्य ‘रेञ्ज’

    तीजको साडीमा रँगियो बजार ! यस्तो छ मूल्य ‘रेञ्ज’ विवाहको लगन धेरै जुर्ने महिना होस् वा तीज र दसैँ। साडी व्यापारीका लागि यी उपयुक्त सिजन हुन्। यी सिजनमा साडी पसलमा अन्य समयमा भन्दा धेरै भीड देखिने गर्छ। हिन्दु नारीहरुले धुमधामसित मनाउने तीज नजिकिँदै गर्दा यसको रौनक बजारका बुटिक तथा साडी पसलहरुमा प्रस्टसँग देखिन थालेको छ। तीजको साडीमा पनि रातो रङ्गको आफ्नै महत्व रहेको छ। रातो साडीलाई सुख, समृद्धि तथा साहसको प्रतिबिम्बका रुपमा लिने गरिन्छ भने रातो टिकालाई सौभाग्यको प्रतिक मानिन्छ। त्यसैले त तीज र दसैँमा नारीहरु रातो साडीमा सजिने गर्दछन्।

  • जग्गा प्लटिङमा गरिएको कडाईप्रति व्यसायीको विरोध, मन्त्रीलाई दिए दवाव

    जग्गा प्लटिङमा गरिएको कडाईप्रति व्यसायीको विरोध, मन्त्रीलाई दिए दवाव भूमिसुधार तथा व्यवस्था मन्त्रालयबाट कृषियोग्य जग्गा कुनै पनि प्रकारले प्लटिङ गरी घडेरीको रुपमा बिक्री वितरण गर्न/गराउन रोक लगाउने गरी निर्देशन जारी भएपछि घरजग्गा व्यवसायीहरुले विरोध जनाएका छन्।

  • काठमाडौं–दमाम सिधा उडान गर्दै हिमालय एयरलाइन्स

    काठमाडौं–दमाम सिधा उडान गर्दै हिमालय एयरलाइन्स हिमालय एयरलाइन्सले काठमाडौंबाट साउदी अरबमा प्रत्यक्ष उडान गर्ने भएको छ। सेप्टेम्बर १९भदौ १६०देखि काठमाडौं–दमाम फहाद इन्टरनेसनल विमानस्थलमा दैनिक उडान गर्ने हिमालयले जानकारी दिएको छ। नेपालबाट साउदी अरबमा प्रत्यक्ष हवाई सम्कर्प यो पहिलोपटक हुने छ। यसअघि नेपालबाट साउदी जान सयुक्त अरब इमिरेट्सको विमानस्थलमा ट्रान्जिट गरेर जाने बाध्यता थियो।

किनमेल अनुभव

  • mahindra
  • सैलुनमा दाह्री काट्नुभन्दा मेसिन किनेर काट्नु ठीक रहेछ सैलुनमा दाह्री काट्नुभन्दा मेसिन किनेर काट्नु ठीक रहेछ

    सबै बस्तु तथा सेवामा महँगी बढ्दै गएको छ। काठमाडौंमा कपाल र दाह्री काटेको भाउ अचाक्ली महँगो छ। मेरो दाह्री हप्ता हप्तामा काट्नु पर्छ। शैलुनमा एक पटक दाह्री सेभिङ गराएको ५० रुपैयाँ लाग्छ।

    राजेश सापकोटा, कपन, काठमाडौँ

  • worldlink
  • महँगो स्मार्टफोन भन्दा बजेट स्मार्टफोन नै जाति महँगो स्मार्टफोन भन्दा बजेट स्मार्टफोन नै जाति

    म जापानमा छु । नेपालीहरु महँगो स्मार्टफोनमा किन्छन् । अहिले बजारमा आएका बजेट स्मार्टफोन र ती महँगा स्मार्टफोनको लगभग फिचर उस्ताउस्तै छन् । काम एकै गर्ने हो। त्यसैले महँगो रकम हालेर राम्रो स्मार्टफोन किन्नुभन्दा बजेट फोन किन्नु नै उत्तम देखेँ।

    सौरभसिंह कार्की, जापान

  • tata
  • दहीमा केमिकल मिसावट भएको थाहा पाए पछि किन्नै छाडेँ दहीमा केमिकल मिसावट भएको थाहा पाए पछि किन्नै छाडेँ

    म चावहिलमा बस्छु । म गौशाला तथा चावहिल आसपासमा रहेको डेरीबाट खुल्ला दही किन्ने गरेको छ। मैले किन्ने दहीमा मिसावट भएको मैले पाएको छु । बाक्लो, लेसिलो पाराको दही स्वादमा पनि फरक पाएको छु ।

    मनोज सुवेदी, चावहिल

  • जिराधनियाँ मिसाएर आफैँले पिसेको मसला उत्तम जिराधनियाँ मिसाएर आफैँले पिसेको मसला उत्तम

    मैले मसलाको व्यापार गर्न सुरु गरेको करिव ११ वर्ष भयो। घट्टेकुलोमा मेरो गृहिणी नामको मसला पसल छ। भर्खरै मैले आफ्नो उत्पादन चिनाउन अधिकारी मसला उद्योगको नामले ब्राण्डिङ पनि सुरु गरेको छु।

    विवेक अधिकारी, घट्टेकुलो काठमाडाैं

  • पुस्तकको अभावले व्यापार नै डामाडोल भयो पुस्तकको अभावले व्यापार नै डामाडोल भयो

    हामी पुस्तक पसलेहरुले सिजनका बेला पुस्तक पाउन सकेका छैनौँ। नयाँ शैक्षिक सत्र सुरु भएको धेरै दिन बितिसक्दा पनि पुस्तकको अभाव छ। कतिपय कितावहरु त अहिलेसम्म आएकै छैन। चर्को भाडा तिरेर व्यापार गरेका हामी व्यापारीले यो समय केही राहत पाउने बेला हो। तर सिजनमा पुस्तकहरु नपाएपछि पुस्तक पसलेले के बेच्ने ?

    विष्णुप्रसाद खनाल, पाल्पा

  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

लोकप्रिय

सूचनापाटी