महँगियो गोलभेडा: प्रतिकेजी १ सय १० रुपैयाँ

  • Get News Alerts

राजधानीको खुद्रा तरकारी बजारमा उपभोक्ताले अहिले सानो गोलभेडालाई प्रतिकेजी ११० रुपैयाँसम्म तिर्नुपरेको छ। कालिमाटीको होलसेल बजारमै गोलभेडाको थोक मूल्य प्रतिकेजी ७८ रुपैयाँ छ। 
 
व्यापारीहरुले अरुबेलाझैं आफूलाई नाफा राखेर बेच्दा गोलभेडाको खुद्रा मूल्य १ सयभन्दा बढी पर्न गएको छ। गोलभेंडाको खुद्रा मूल्य अहिले १ सयदेखि ११० रुपैयाँसम्म पर्ने गरेको व्यापारीहरु बताउँछन्। कालिमाटी फलफूल तथा तरकारी बजार विकास समितिका अनुसार अहिले आपूर्ति कम भएकाले नै गोलभेडा महँगो पर्न गएको हो। 
 
बजारमा लोकल गोलभेडाको मात्रै आपूर्ति भएको समितिले जनाएको छ। समितिका योजना अधिकृत रमेश डंगोलका अनुसार उपत्यकाका छिमेकी जिल्लाहरुमा गरिएको टनेल खेतीबाट भएको उत्पादनले मात्रै अहिले यहाँको माग धानेको छ। 
 
‘अहिले गोलभेडाको सिजन होइन, अर्कोतर्फ भारतबाट आउने ठूलो गोलभेंडाको आयात ह्वात्तै घट्न गएको छ र मूल्य बढेको छ’ उनले भने ‘व्यवसायिक रुपमा टनेलमार्फत गरिएको उत्पादन पनि पर्याप्त छैन।’ 
 
डंगोलका अनुसार अहिले काभ्रे, धादिङ, सिन्धुपाल्चोक लगायत जिल्लाहरुबाट मात्रै गोलभेडा आइरहेको छ। भारतबाट आउने ठूलो गोलभेडाले पनि उपत्यकाको धेरै माग धान्ने भएकाले त्यताबाट आपूर्ति भइरहँदा मूल्य नियन्त्रण हुने गरेको थियो। तर भारतीय ठूलो गोलभेडाको आपूर्ति घट्दा समग्र मूल्यलाई असर परेको व्यवसायीहरु बताउँछन्। यद्यपी ठूलोभन्दा लोकल गोलभेडा बढी रुचाइने गरेको व्यवसायीको अनुभव छ।
 
कालिमाटी बजारमै तरकारीको खुद्रा व्यापार गर्दै आएका व्यापारी टंकप्रसाद सापकोटा गोलभेंडा अहिले प्रतिकेजी ९५ रुपैयाँमा बिक्री गर्ने गरेको बताउँछन्। ‘यो त कालिमाटीकै मूल्य हो, बाहिर त ११० रुपैयाँभन्दा बढी नै पर्ला, त्यसमाथि गोलभेडा अरुजस्तो हुँदैन, कतिपय त ओसारपसाद गर्दा नै बिग्रिन्छ’ उनले भने ‘व्यापारीहरुले पनि अलिकति फाइदा राख्नैपर्यो, गाडी भाडा पनि लाग्ने भयो ।’ 
 
गोलभेंडाका अलवा अन्य तरकारीको मूल्य पनि अहिले बढेको उनले बताए। ‘प्याज, आलु, काउली, बोडी, बन्दाजस्ता तरकारीको मूल्य पनि बढेको छ,  तर गोलभेंडा चाही निकै महँगियो’ सापकोटाले भने। 
 
ठूलो गोलभेडा पाइन छाडेको बताउँदै उनले सानोको माग उच्च हुँदा पनि मूल्य बढेको बताए। ठूलो गोलभेडा प्रायः होटल तथा रेष्टुरेन्टमा जाने गरेको तर अहिले उनीहरुले पनि सानै गोलभेडा लैजाँदा सीमित आपूर्तिमा माग बढ्न गई मूल्य आकासिएको व्यापारीहरु बताउँछन्। 
 
गोलभेंडाको सिजन चैत तथा वैशाख महिना हो। त्यो समयमा प्रतिकेजी ३० रुपैयाँमै गोलभेडा पाइने गरेको व्यापारीहरु बताउँछन्। ‘सिजनमा त ३० रुपैयाँ किलोमा पनि बिक्री पनि नभएर फाल्न पर्ने हुन्छ, अहिले यस्तो महँगो! त्यै पनि भनेजति ल्याउन पनि पाइन्नँ’ आफ्नो अनुभव सुनाउँदै सापकोटाले भने। 
 
हेर्नुहोस्, कालिमाटी फलफूल तथा तरकारी बजार विकास समितिले शनिबार तोकेको तरकारीको खुद्रा  मूल्य 
 

प्रतिकृया दिनुहोस

थप समाचार

किनमेल अनुभव

  • mahindra
  • सैलुनमा दाह्री काट्नुभन्दा मेसिन किनेर काट्नु ठीक रहेछ सैलुनमा दाह्री काट्नुभन्दा मेसिन किनेर काट्नु ठीक रहेछ

    सबै बस्तु तथा सेवामा महँगी बढ्दै गएको छ। काठमाडौंमा कपाल र दाह्री काटेको भाउ अचाक्ली महँगो छ। मेरो दाह्री हप्ता हप्तामा काट्नु पर्छ। शैलुनमा एक पटक दाह्री सेभिङ गराएको ५० रुपैयाँ लाग्छ।

    राजेश सापकोटा, कपन, काठमाडौँ

  • worldlink
  • महँगो स्मार्टफोन भन्दा बजेट स्मार्टफोन नै जाति महँगो स्मार्टफोन भन्दा बजेट स्मार्टफोन नै जाति

    म जापानमा छु । नेपालीहरु महँगो स्मार्टफोनमा किन्छन् । अहिले बजारमा आएका बजेट स्मार्टफोन र ती महँगा स्मार्टफोनको लगभग फिचर उस्ताउस्तै छन् । काम एकै गर्ने हो। त्यसैले महँगो रकम हालेर राम्रो स्मार्टफोन किन्नुभन्दा बजेट फोन किन्नु नै उत्तम देखेँ।

    सौरभसिंह कार्की, जापान

  • tata
  • दहीमा केमिकल मिसावट भएको थाहा पाए पछि किन्नै छाडेँ दहीमा केमिकल मिसावट भएको थाहा पाए पछि किन्नै छाडेँ

    म चावहिलमा बस्छु । म गौशाला तथा चावहिल आसपासमा रहेको डेरीबाट खुल्ला दही किन्ने गरेको छ। मैले किन्ने दहीमा मिसावट भएको मैले पाएको छु । बाक्लो, लेसिलो पाराको दही स्वादमा पनि फरक पाएको छु ।

    मनोज सुवेदी, चावहिल

  • जिराधनियाँ मिसाएर आफैँले पिसेको मसला उत्तम जिराधनियाँ मिसाएर आफैँले पिसेको मसला उत्तम

    मैले मसलाको व्यापार गर्न सुरु गरेको करिव ११ वर्ष भयो। घट्टेकुलोमा मेरो गृहिणी नामको मसला पसल छ। भर्खरै मैले आफ्नो उत्पादन चिनाउन अधिकारी मसला उद्योगको नामले ब्राण्डिङ पनि सुरु गरेको छु।

    विवेक अधिकारी, घट्टेकुलो काठमाडाैं

  • पुस्तकको अभावले व्यापार नै डामाडोल भयो पुस्तकको अभावले व्यापार नै डामाडोल भयो

    हामी पुस्तक पसलेहरुले सिजनका बेला पुस्तक पाउन सकेका छैनौँ। नयाँ शैक्षिक सत्र सुरु भएको धेरै दिन बितिसक्दा पनि पुस्तकको अभाव छ। कतिपय कितावहरु त अहिलेसम्म आएकै छैन। चर्को भाडा तिरेर व्यापार गरेका हामी व्यापारीले यो समय केही राहत पाउने बेला हो। तर सिजनमा पुस्तकहरु नपाएपछि पुस्तक पसलेले के बेच्ने ?

    विष्णुप्रसाद खनाल, पाल्पा

  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

लोकप्रिय

सूचनापाटी