२७ वर्षदेखि इण्डियन खाना पस्कँदै ‘थर्ड आइ’

  • Get News Alerts

भारतीय  खाना भन्नेवित्तिकै धरै मानिसहरु चिल्लो, पिरो र मसलेदार भन्ने सम्झन्छन्। तर २७ वर्षदेखि ग्राहकलाई निरन्तर रुपमा इण्डियन एण्ड कन्टीनेन्टल खाना पस्कँदै आएको थर्ड आईको खानामा भने तपाई हामीले सोचेजस्तो मसलेदार हुँदैन, नत चिल्लो र पिरो नै हुन्छ।
अलिसान कबाब, पनिर टिक्का र चिकेन टिक्का यसका धेरै चलेका परिकारहरु हुन्। जसका लागि नै धेरैजसो  यूरोपियन, अमेरीकन तथा चाइनिज पर्यटकहरु यस रेष्टुरेन्टमा आउने गरेको सञ्चालक तेजेन्द्रमान श्रेष्ठको भनाई छ। 
 
रेष्टुरेन्ट एण्ड बार एसोसियसनका पूर्व अध्यक्ष समेत रहेका श्रेष्ठले ३० वर्षअघि विदेश भ्रमण गर्दा इण्डियन रेष्टुरेन्टमा ग्राहकको भिड देखेपछि उनले नेपालमा पनि इण्डियन रेष्टुरेन्ट खोल्ने योजना बनाएका थिए। उनले  रेष्टुरेन्ट व्यवसाय गर्न लागेको अहिले ३६ वर्ष भइसेकेको छ।  थर्ड आइ नेपालकै पहिलो इण्डियन एण्ड कन्टीनेन्टल खाना केन्द्रित गरेर खोलिएको रेष्टुरेन्ट भएको श्रेष्ठको दाबी छ।
 
सुरुमा चाइनिज खाना लक्षित गरेर ‘यिनयाङ रेष्टुरेन्ट’ खोलेका श्रेष्ठले विदेश भ्रमण गएर आएपछि भने इण्डियन खाना लक्षित गर्दै थर्ड आइ रेष्टुरेन्ट खोलेका थिए। 
 
थर्ड आइमा सेफको रुपमा बिक्रम श्रेष्ठ रहेका छन्। जसले सिंगापुरबाट ‘फूड’मा ग्रेजुयट गरेका छन्। हासेफको बारेमा पनि उनी राम्रो जानकार हुन्। त्यस्तै किचेनमा २७ वर्षदेखि निरन्तर काम गरेका कुकहरु यहाँ रहेका छन्। 
श्रेष्ठले भने ‘२५ वर्ष अघि खाएर गएका पर्यटक पनि फेरि आएका उदाहरण छन्, अनि अहिले पनि पहिलेकै स्वाद पाएको उनीहरुको  प्रतिक्रिया आउँछ किनकि हामीकहाँ लामो समय अनुभव भएका  कुकहरु छन्।’
 
अहिले सम्ममा ५० लाख भन्दा बढी ग्राहकलाई सेवा प्रदान गरिसकेको यस रेष्टुरेन्टमा उपलब्ध परिकारको मूल्य पनि त्यति महँगो छैन। 
अलिसान कवाब जसको मूल्य ६ सय १५ रुपैयाँ तोकिएको छ। कुखुराको छातीको मासुमा, कागतीको रस, हरियो अलँैची, अमुर्चिज, क्रिम दही इत्यादी मिलाएर बनाइने यो कवाब चिल्लो हुँदैन। 
गार्निस गरिएको यो कवाबमा पुदीनाको चट्नीले झनै स्वादिलो बनाएको हुन्छ, जसका कारण नै यो धेरैजसो पर्यटकको रोजाइमा पर्न गएको छ। तन्दुरी ओभनमा पकाइने भएका कारण यसमा चिल्लो नहुने श्रेष्ठ बताउँछन्।
 
यहाँको अर्काे चर्चित परिकारका रुपमा रहेको छ पनिर टिक्का मसला। जसमा दही, गरम मसला, बटर इत्यादी मिसाएर बनाइने गर्दछ। यसको मूल्य ४ सय ७५ रुपैयाँ तोकिएको छ। पुदिनाकै चट्नीका साथ यो परिकारलाई गार्निस गरिएको हुन्छ। 
चिकेन टिक्का जुन रोटी वा भातसँग खान सकिन्छ। काजु र  खरबुजाको बियाको पेष्टमा ओभनमा पकाएको चिकेन मिसाएर यसलाई तयार गरिन्छ। जसको मूल्य ५ सय ७५ रुपैयाँ रहेको छ। 
नेपालमा कैयन भारतीय पर्यटकहरु पनि घुम्न आउने गरेका छन््। तर उनीहरु भने खासै यस्ता परिकार खानका लागि ‘थर्ड आइ’ छिर्ने गर्दैनन्। इण्डियन खाना अहिले बेलायत अमेरिका तथा चीनमा समेत प्रशिद्ध रहेको श्रेष्ठ बताउँछन्। 
 
खाना बनाइने किचेन सफा र अत्याधुनिक हुन जरुरी छ। थर्ड आइको किचेन सफा छ जुन हेरेपछि सायद कसैले पनि खाना नखाई पर्किँदैन होला। 
 किचेनमा अत्याधुनिक सिस्टम मार्फत भाडा धुने गरिन्छ। किचेनलाई अत्याधुनिक बनाउन झन्डै पौने दुई करोड रुपैयाँ खर्च भएको श्रेष्ठले जानकारी दिए।
खुला झ्यालहरु सहितको किचेनमा आगो लाग्न बच्नबाट फायर एक्सीनगुइसर समेत राखिएको छ। 
आफ्ना कर्मचारीको सुरक्षाको पनि यसले ख्याल गरेको देखिन्छ। पानीको शुद्धताको लागि झन्डै ८ लाख रुपैयाँको लगानीमा ट्रिटमेन्ट मेसिन राखिएको छ। 
स्टोर रुममा कन्टामिसेनबाट बच्न भेजिटेवल र मासुका परिकार छुट्छुट्टै राखिएको छ।  
 
साथै यसको सिटिङ रुम र रुफटप गार्डेन पनि सुन्दर रहेको छ। 
ठमेलको भिडभाडबाट रेष्टुरेन्ट छिर्दा नेपाली  संगीतको मिठो धुन सुन्न पाइन्छ। सिटिङ रुममा मधुर वत्ति बलिरहेको हुन्छ र मधुर आवाजमा संगीत बजिरहेको हुन्छ जसले शहरको भिडभाडबाट थकित भएका मानिसहरुलाई केही आनन्दित बनाउँछ। 
 
तस्वीर भरतबन्धु थापा 

प्रतिकृया दिनुहोस

थप समाचार

  • वायुसेवा निगमको पुरानो बोइङ किन्न कोही आएन

    वायुसेवा निगमको पुरानो बोइङ किन्न कोही आएन नेपाल वायुसेवा निगमले बिक्रीमा राखेको बोइङ किन्ने प्रस्ताव कसैको नपरेपछि फेरि टेन्डर आब्हान गरिएको छ। तीस वर्ष पुरानो बोइङ– ७५७ सिरिजको कर्णाली नेपाली नाम दिइएको उक्त विमान चलाउन भन्दा बिक्री गर्न फाइदा हुने भन्दै निगम संचालक समितिले बिक्री गर्ने निर्णय गरेको थियो।

  • चीन र रसिया मिलेर वाइड बडी विमान निर्माण गर्ने

    चीन र रसिया मिलेर वाइड बडी विमान निर्माण गर्ने भर्खरै न्यारो बडी विमान निर्माण गरेको चिनियाँ सरकारी कम्पनी दि कमर्सियल एयरक्राफ्ट अफ चाइना(कोम्याक) र रसिया युनाइटेड एयरक्राफ्ट कोअपरेशन(युएसी)को सयुक्त प्रयासमा वाइड बडी विमान निर्माण गर्ने घोषणा गरेका छन्।

  • विश्वको तेस्रो अग्लो हिमाल कञ्चनजङ्घामा यो वर्ष पनि आरोहण भएन

    विश्वको तेस्रो अग्लो हिमाल कञ्चनजङ्घामा यो वर्ष पनि आरोहण भएन विश्वको तेस्रो अग्लो हिमाल कञ्चनजङ्घामा आरोहणका लागि यो वर्ष गएको १४ जनाको टोली आरोहण गर्न नसकी फर्किएको छ । आठ हजार ५८६ मिटर अग्लो यो हिमालमा आरोहणका लागि गएको टोली आठ हजार १७५ मिटर उचाइमा पुगेर फर्किएको हो । प्राविधिक समस्याका कारण सो टोली ४११ मिटर तलबाट फर्कन बाध्य भएको हो ।

  • सौराहाको पर्यटन विकासका लागि नवनिर्वाचित जनप्रतिनिधिको प्रतिबद्धता

    सौराहाको पर्यटन विकासका लागि नवनिर्वाचित जनप्रतिनिधिको प्रतिबद्धता सौराहा जेसिजको आयोजनामा शनिबार रत्ननगरको सौराहामा भएको नवनिर्वाचित पदाधिकारीहरुको स्वागत तथा सम्मान कार्यक्रममा बोल्दै उनीहरुले सौराहाको पर्यटनलाई विस्तार गरी नेपालकै दोस्रो पर्यटनको गन्तव्य बनाउनुपर्ने विचार व्यक्त गरेका हुन्।

  • यती एयरलाइन्सका बसमा ‘एसडीजी स्टिकर’

    यती एयरलाइन्सका बसमा ‘एसडीजी स्टिकर’ हवाई सेवा प्रदायक यती एयरलाइन्सका बसमा सयुक्त राष्ट्रसंघिय दिगो विकास लक्ष्य(एसडिजी)का स्टिकर राखिएको छ। एयरलाइन्सले अभियान अन्तर्गतका आफ्ना १७ लक्ष्य सहितका दूई नयाँ एयरपोर्ट शटल बसपनि सार्वजनिक गरेको छ । विमानस्थलमा टर्मिनल र विमान विचनको यात्रा गर्दा ह्याण्डि (सहज) एसडीजी फ्लायर्स र लिफलेट सहितका यी बसहरुले हवाई यात्रुहरुलाई दिर्घकालिन विकास योजना अन्तर्गतका आफ्ना लक्ष्यका बारेमा जानकारी दिनुका साथै, यसको प्राप्तिका लागि तिनले गर्न सक्ने सहयोग तथा कार्यका बारेमा सुसुचित गर्ने आशा गरिएको छ ।

किनमेल अनुभव

  • mahindra
  • पुस्तकको अभावले व्यापार नै डामाडोल भयो पुस्तकको अभावले व्यापार नै डामाडोल भयो

    हामी पुस्तक पसलेहरुले सिजनका बेला पुस्तक पाउन सकेका छैनौँ। नयाँ शैक्षिक सत्र सुरु भएको धेरै दिन बितिसक्दा पनि पुस्तकको अभाव छ। कतिपय कितावहरु त अहिलेसम्म आएकै छैन। चर्को भाडा तिरेर व्यापार गरेका हामी व्यापारीले यो समय केही राहत पाउने बेला हो। तर सिजनमा पुस्तकहरु नपाएपछि पुस्तक पसलेले के बेच्ने ?

    विष्णुप्रसाद खनाल, पाल्पा

  • worldlink
  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • tata
  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

  • विदेशी भन्दा स्थानीय जुत्ता राम्रो विदेशी भन्दा स्थानीय जुत्ता राम्रो

    मैले धेरै प्रकारको जुत्ता लगाएँ। राम्रो गुणस्तरको जुत्तालाई महँगो पर्ने र सस्तो जुत्ताको गुणस्तर नहुने अनुभव गरेँ। यो धेरैले भोगिरहेको समस्या हो। मलाई एकजना साथीले स्थानीय जुत्ता खरिद गर्न सल्लाह दियो।

    कमल अधिकारी, हेटौंडा

  • रात छिप्पेसँगै बजारमा तरकारी सस्तिँदो रहेछ रात छिप्पेसँगै बजारमा तरकारी सस्तिँदो रहेछ

    म अध्ययनको शिलशिलामा काठमाडौँको घट्टेकुलोमा बस्छु। काठमाडौंमा तरकारी तथा फलफूलको भाउ तुलनात्मक रुपमा महँगो छ। अझ बेलुकी ५ बजेतिर जाँदा त ब्यापारीहरुले भाउ घटाउनै मान्दैनन्।

    सुमन अर्याल, घट्टेकुलो

  • फोटो खिच्दा पनि डिस्काउन्ट माग्छन् ग्राहक फोटो खिच्दा पनि डिस्काउन्ट माग्छन् ग्राहक

    मैले मैतिदेवीमा फोटो स्टुडियो राखेको करिव ५ वर्ष भयो। यो अवधिमा मैले हजारौँ ग्राहकको फोटो खिचेँ। फोटो स्टुडियोमा खासै डिस्काउन्टका लागि बार्गेनिङ हुँदैन र स्टुडियोमा फेन्सी पसलमा जस्तो डिस्काउन्ट गर्नका लागि भनेर धेरै मूल्य पनि तोकिँदैन।

    विकाश दाहाल, फोटोग्राफर काठमाडौं

  • एकपटक धुदा जिन्स पाइन्टको रङ्ग खुइलियो एकपटक धुदा जिन्स पाइन्टको रङ्ग खुइलियो

    करिव एक महिना अगाडि मैले कलंकीको भटभटेनीबाट ३१ सय ७५ रुपैयाँमा एउटा जिन्स पाइन्ट किनेको थिएँ। पाइन्ट बेच्नेले पनि निकै राम्रो हो भन्यो र मैले पनि यति महँगो पाइन्ट भाटभटेनीबाट किनेको के डुब्लिकेट पर्ला र भनेर किनिहालेँ।

    रोशन अधिकारी, चितवन

लोकप्रिय

सूचनापाटी