धुलो र चुनावले चाप बढाए विमानस्थलको,के हुँदैछ व्यवस्थापनको लागि?

  • Get News Alerts

केहीदिन अगाडि गोमा एयरको विमान आकाशमा होल्ड हुँदा इन्धन सकिने खतरा उत्पन्न भएपछि डाइभर्ट भयो। त्यस्तै प्रत्येक दिन आन्तरिक तथा अन्तर्राष्ट्रिय गन्तव्यबाट आउने विमानहरु आकाशमै होल्ड हुने गरेका छन्। 
 
त्रिभुवन अन्तर्राष्ट्रिय विमानस्थलमा हुने प्रत्येकदिनको ‘एयर ट्राफिक’को(विमान होल्ड) कारणले गर्दा एयरलाइन्सहरुको व्यावसायिक क्षति त आफ्नो ठाउँमा छ भने अर्कोतिर यात्रुको समयको क्षति र मनौवैज्ञानिक तनाव भोग्न बाध्य छन्। 
 
विमानस्थलमा क्षमताभन्दा बढी उडान तथा अवतरण हुनु, मौसमी प्रतिकुलता जस्ता कारणले गर्दा उडानहरु अस्वभाविक होल्ड हुने गरेको सरोकारवालाहरुले बताउँदै आएका छन्। 
 
तर पछिल्लो समय यसरी होल्ड हुने समय झनै बढेको छ जसले गर्दा विमानस्थल प्रशासनलाई व्यवस्थापन गर्न हम्मेहम्मे परेको छ। 
 
अधिकारीहरुले क्षमताभन्दा बढी उडान तथा अवतरणलाई मुख्य कारण मानेका छन् भने चाप बढाउने काम भने चुनाव र काठमाडौंको धुलोधुवाँलाई पनि कारकको रुपमा औल्याएका छन्। 
 
जेनतेन व्यवस्थापन भइरहेको त्रिुभुवन अन्तर्राष्ट्रिय विमानस्थलमा पछिल्लो समय आन्तरिक उडानका लागि विमानहरु थपिएको एक कारण र अर्कोतिर चुनावको कारण उडान तथा अवतराणको संख्यामा पनि उल्लेख्य बृद्धि भएको उनीहरुको भनाई छ। 
 
काठमाडौंको धुलोधुवाँको कारणले गर्दा पर्याप्त भिजिविलिटी नहुँदा पनि विमानहरु समयमै उड्न नपाउने र यसो हुँदा पार्किङ अभावले विमानहरु आकाशमै होल्ड गर्नुपर्ने बाध्यता रहेको बताउँछन् नागरिक उड्डय प्राधिकरणका महानिर्देशक सन्जिव गौतम। 
 
त्यस्तै चुनावको समय भएकोले सबैको आवतजावत बढेकोले पनि विमानस्थलमा उडान तथा अवतरणको चाप बढेको अधिकारीहरुको भनाइ छ। 
 
विशेषगरी विराटनगरको विमानस्थल बेलुका तीनबजेदेखि मर्मतको लागि बन्द गरिएपछि यो समस्या झनै बल्झिएर आएको विमानस्थलका प्रवक्ता  प्रेमनाथ ठाकुरले जानकारी दिए। बढी यात्रुको आवतजावत हुने र उडान तथा अवतरणको चाप पनि बढी हुने भएकोले विराटनगरका उडानहरु तीनबजे अगाडि नै सबैले गर्न खोज्दा समस्या झनै थपिएको उनको भनाइ छ। 
 
पाँचवर्ष अगाडि दैनिक एक सय उडानमात्र व्यवस्थापन गर्ने विमानस्थलले अहिले दैनिक औसत साढे चार सय(आन्तरिक र घरेलु) उडान व्यवस्थापन गरिरहेको छ तर पूर्वाधार भने पाँचवर्ष अगाडिकै छ।  
 
आन्तरिक हवाई यात्रा गर्ने यात्रुमात्र होइन विमान कम्पनीहरुले पनि पछिल्लो समय विमान थप गरेका छन् जो त्रिुभुवन विमास्थललाई नै होम ग्राउन्ड बनाइरहेका छन्। 
 
व्यवस्थापनका लागि भएको पहल यस्तो छ
 
त्रिभुवन अन्तर्राष्ट्रिय विमानस्थलमा भएको मौजुदा पूर्वाधारमै पनि उडान तथा अवतरणलाई व्यवस्थापन गर्नको लागि विमानस्थल प्रशासनले अग्रसरता लिएको बताएको छ। 
 
तत्काल पूर्वाधार विस्तार भन्दा पनि भएकैबाट कसरी व्यवस्थापन गर्नसकिन्छ भनेर आफूहरुले छलफललाई अगाडि बढाएको प्रवक्ता ठाकुरले जानकारी दिए। 
 
आजमात्र आन्तरिक उडान गर्नेे एयरलाइन्सका स्टेशन म्यानेजरहरुसँग छलफल गरिएको र फेरि भोली एयरलाइन्सको व्यवस्थापनसँग छलफल गरिने ठाकुरले बताए। 
 
ठाकुरले विराटनगरको विमानस्थल तीनबजेको सट्टा बेलुका ६ बजे बन्द गर्न नागरिक उड्डय प्राधिकरणलाई आग्रह गर्ने, बाहिरका विमानस्थलमा पार्किङ गर्ने भनिएका विमानलाई अनिवार्य बाहिर पठाउने र त्यसको लागि निर्देशन दिने  प्रस्ताव गरेको बताए। 
 
त्यस्तै डोमेस्टीक टर्मिनल बिहान साढे पाँच बजे नै खुल्ला गर्ने र ६ बजेको उडान ६ बजेबाट नै सुरु गरिने र त्यसको लागि एयरलाइन्सहरुलाई निर्देशन दिने विमानस्थलले प्रस्ताव गरेको छ। 
 
 

प्रतिकृया दिनुहोस

थप समाचार

  • भैरहवा विमानस्थलको ठेकेदार कम्पनीलाई २ महिने अल्टिमेटम

    भैरहवा विमानस्थलको ठेकेदार कम्पनीलाई २ महिने अल्टिमेटम भैरहवामा निर्माणधिन क्षेत्रीय विमानस्थलको ठेकेदार कम्पनी नर्थवेष्ट सिभिल एभिएसन एयरपोर्ट कन्स्ट्रक्सने नेपाली साझेदारले धोका दिँदा काममा ढिलाई भएको गुनासो गरेको छ। चिनियाँ कम्पनीको तर्फबाट नोपलका लागि चिनियाँ राजदुतले पर्यटन संस्कति तथा नागरिक उड्डय मन्त्री जितेन्द्र देवसँग भेटेरै स्थानीय साझेदारले धोका दिएर चीनको कम्पनीलाई बद्नाम गर्न खोजिएको गुनासो गरेको मन्त्री देवले जानकारी दिएका छन्।

  • साउदी र दुबईका एयरलाइन्सले कतार जाने यात्रु नबोक्ने

    साउदी र दुबईका एयरलाइन्सले कतार जाने यात्रु नबोक्ने साउदी अरेबिया, युएई (दुबई)का एयरलाइन्सहरुले कतार जाने कुनैपनि यात्रुलाई नबोक्ने भएका छन्। साउदी अरेबिया, बहराइन, युएई र इजिप्टले छिमेकी मुलुक कतारसँगको कुटनीतिक सम्बन्ध अन्त्य गरेसँगै त्यहाँका एयरलाइन्सले पनि कतारका सबै उडान रद्द गर्ने भएका हुन्।

  • मुलुकलाई पर्यटनबाट करिब ४२ अर्ब आम्दानी

    मुलुकलाई पर्यटनबाट करिब ४२ अर्ब आम्दानी मुलुकको अर्थतन्त्रको महत्वपूर्ण आधार मानिने पर्यटन क्षेत्रबाट गत आर्थिक वर्ष करिब ४२ अर्ब आम्दानी भएको छ। सरकारले हालै सार्वजनिक गरेको आर्थिक सर्वेक्षण २०७३/७४ अनुसार आव २०७२/७३ मा पर्यटन क्षेत्रबाट ४१ अर्ब ७६ करोड ५० लाख बराबरको विदेशी मुद्रा आर्जन भएको छ।

  • नेपाली हिमालको युरोपमा प्रबर्द्धन

    नेपाली हिमालको युरोपमा प्रबर्द्धन उत्तरी आयरल्याण्डमा १० अन्तर्राष्ट्रिय सगरमाथा दिवस मनाइएको छ। त्यहाँ रहेका नेपाली समुदायको अग्रसरतामा स्थायिनहरुको सहभागितामा उक्त दिवस मनाइएको ‘भिजिट नेपाल युरोप २०१७’ संयोजक दिपेश शाक्यले जानकारी दिए।

  • घुम्नैपर्ने यी हुन् सुन्दर तालहरु

    घुम्नैपर्ने यी हुन् सुन्दर तालहरु विश्वका धेरै मानिसहरु समुन्द्री किनारलाई नै घुम्नका लागि राम्रो गन्तव्य बनाएका हुन्छन्। नेपाल भूपरिवष्ठित देश भएकाले यहाँका सीमित ताल नै पर्यटकीय गन्तव्य हुन्। पछिल्लो समय घुमफिर गर्ने परम्परा विकसित हुँदै गएको छ। अधिकांश समय जमिनमै रहीरहने भएकाले तालमा घुम्दा बेग्लै आनन्द पनि आउँछ। प्राकृतिक सम्पदाले भरिपूर्ण देश नेपालमा केही त्यस्ता तालहरु अवस्थित छन्, जहाँ पुग्ने रहरले विश्वका धेरै ठाउँबाट पनि पर्यटक आउने गर्दछन्।

किनमेल अनुभव

  • mahindra
  • सैलुनमा दाह्री काट्नुभन्दा मेसिन किनेर काट्नु ठीक रहेछ सैलुनमा दाह्री काट्नुभन्दा मेसिन किनेर काट्नु ठीक रहेछ

    सबै बस्तु तथा सेवामा महँगी बढ्दै गएको छ। काठमाडौंमा कपाल र दाह्री काटेको भाउ अचाक्ली महँगो छ। मेरो दाह्री हप्ता हप्तामा काट्नु पर्छ। शैलुनमा एक पटक दाह्री सेभिङ गराएको ५० रुपैयाँ लाग्छ।

    राजेश सापकोटा, कपन, काठमाडौँ

  • worldlink
  • महँगो स्मार्टफोन भन्दा बजेट स्मार्टफोन नै जाति महँगो स्मार्टफोन भन्दा बजेट स्मार्टफोन नै जाति

    म जापानमा छु । नेपालीहरु महँगो स्मार्टफोनमा किन्छन् । अहिले बजारमा आएका बजेट स्मार्टफोन र ती महँगा स्मार्टफोनको लगभग फिचर उस्ताउस्तै छन् । काम एकै गर्ने हो। त्यसैले महँगो रकम हालेर राम्रो स्मार्टफोन किन्नुभन्दा बजेट फोन किन्नु नै उत्तम देखेँ।

    सौरभसिंह कार्की, जापान

  • tata
  • दहीमा केमिकल मिसावट भएको थाहा पाए पछि किन्नै छाडेँ दहीमा केमिकल मिसावट भएको थाहा पाए पछि किन्नै छाडेँ

    म चावहिलमा बस्छु । म गौशाला तथा चावहिल आसपासमा रहेको डेरीबाट खुल्ला दही किन्ने गरेको छ। मैले किन्ने दहीमा मिसावट भएको मैले पाएको छु । बाक्लो, लेसिलो पाराको दही स्वादमा पनि फरक पाएको छु ।

    मनोज सुवेदी, चावहिल

  • जिराधनियाँ मिसाएर आफैँले पिसेको मसला उत्तम जिराधनियाँ मिसाएर आफैँले पिसेको मसला उत्तम

    मैले मसलाको व्यापार गर्न सुरु गरेको करिव ११ वर्ष भयो। घट्टेकुलोमा मेरो गृहिणी नामको मसला पसल छ। भर्खरै मैले आफ्नो उत्पादन चिनाउन अधिकारी मसला उद्योगको नामले ब्राण्डिङ पनि सुरु गरेको छु।

    विवेक अधिकारी, घट्टेकुलो काठमाडाैं

  • पुस्तकको अभावले व्यापार नै डामाडोल भयो पुस्तकको अभावले व्यापार नै डामाडोल भयो

    हामी पुस्तक पसलेहरुले सिजनका बेला पुस्तक पाउन सकेका छैनौँ। नयाँ शैक्षिक सत्र सुरु भएको धेरै दिन बितिसक्दा पनि पुस्तकको अभाव छ। कतिपय कितावहरु त अहिलेसम्म आएकै छैन। चर्को भाडा तिरेर व्यापार गरेका हामी व्यापारीले यो समय केही राहत पाउने बेला हो। तर सिजनमा पुस्तकहरु नपाएपछि पुस्तक पसलेले के बेच्ने ?

    विष्णुप्रसाद खनाल, पाल्पा

  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

लोकप्रिय

सूचनापाटी