घाटा खाएर रात्रि सेवा दिँदै साझा यातायात

  • Get News Alerts

राजधानीमा साझा यातायात निकै लोकप्रिय छ। बस्नेलाई आरामदायी सिट, उभिएर यात्रा गर्नेको लागि खुला ठाउँ र ह्याङगरको व्यवस्था, उचित भाडा, चालक तथा सहचालकको राम्रो व्यवहार लगायतका कारणले पनि साझा यातायात लोकप्रिय बन्न पुगेको हो। 
 
साझाले आफ्नो सेवालाई राजधानीमा मात्र केन्द्रित नराखी उपत्यकाबाहिरका जिल्लामा पनि सेवा दिइरहेको छ। त्यस्तै साझा यातायातले फागुनको पहिलो सातादेखि काठमाडौंमा रात्रिकालीन सेवा पनि दिइरहेको छ। 
सुरुमा ५ वटा रुटमा सुरु गरिएको रात्रिकालीन सेवा अहिले भने ४ वटा रुटमा सञ्चालनमा छ। यात्रुको अभावका कारण चावहिल जोरपाटीको रुटमा भने रात्रिकालीन सेवा बन्द गरिएको साझा यातायातले जनाएको छ। 
साझाको दिवा सेवाले सबैको मन जितेर राम्रो मुनाफा कमाई रहँदा रात्रि सेवा भने घाटामा चलिरहेको छ। साझाका दिवा सेवाका बसहरुमा यात्रुहरुको चाप अत्याधिक हुन्छ तर रात्रिकालीन बसमा यात्रुको संख्या नगन्य रुपमा मात्र छन्। 
साझा यातायातको तथ्याङ्क अनुसार कुनै–कुनै रुटबाट फर्कदा त एक जना मात्र यात्रु लिएर फर्किनुपर्ने अवस्था समेत देखिएको छ। 
 
काठमाडौंमा रात्रि बजार नहुनाले साझाको रात्रि सेवा त्यति प्रभावकारी हुन नसकेको साझा यातायातका कामु प्रमुख कार्यकारी अधिकृत महेन्द्रराज पाण्डेले बताए। ‘हाम्रो रात्रिकालीन सेवा विशेषतः नाफा भन्दा पनि सेवाको लागि हो, राति अलपत्र परेकाहरुले सेवा पाएका छन् त्यो नै ठूलो कुरा हो’ उनले सेतोपाटीसँग भने। 
 
सुरुमा रात्रि सेवाको भाडा २५ रुपैयाँ निर्धारण गरिए पनि अहिले दिवा सेवाको शुल्क जति नै  लिइरहेको पाण्डेले जानकारी दिए। दिवा सेवाले रुटको एक चक्कर लगाउँदा ४ हजार सम्म कलेक्सन गर्ने गरेको साझा यातायातका सुपरभाइजर हरिराम मिश्रले जानकारी दिए। तर रात्रि सेवाले भने एक चक्कर लगाउँदा २ सय ५० देखि ८ सय सम्म कलेक्सन हुने उनले बताए।
 
साझा यातायातले सेतोपाटीलाई उपलव्ध गराएको ४ दिनको तथ्याङ्क हेर्दा पनि एउटा रुटमा पुगेर फर्कँदासम्म जम्मा १६ जना मात्र चढेको समेत पाइयो। यो तथ्यलाई हेर्दा साझा यातायातले घाटामै यात्रुलाई सेवा दिइरहेको सहजै आँकलन गर्न सकिन्छ। 
 
घाटा भए पनि रात्रि सेवा अहिले नहटाउने कामु प्रमुख कार्यकारी निर्देशक पाण्डेले बताए। साझाको रात्रिकालीन सेवाको एउटा रुट न्युरोड गेट अर्थात वायुसेवा निगम कार्यालय अगाडिबाट माइतिघर, नयाँ बनेश्वर हुँदै कोटेश्वरसम्म रहेको छ।
 
त्यस्तै अर्को रुट अस्पताल क्षेत्रलाई विशेष प्राथमिकता दिएर संचालनमा ल्याइएको छ। 
 
लगनखेलबाट, पुल्चोक, त्रिपुरेश्वर, शहिदगेट, लैनचौर, नारायणगोपाल चोक, बाँसबारी रुटमा बस संचालन हुन्छ। पाटन, अल्का, नेपाल आँखा अस्पताल, वीर, कान्ति बाल, टिचिङ, गंगालाल हृदयरोग, न्यूरो लगायत ठूला अस्पतालहरु यसै रुटमा पर्दछन्। 
 
न्युरोड गेटबाट त्रिपुरेश्वर, कालीमाटी, कलंकीसम्म र न्युरोड गेटबाटै ठमेल, सोह्रखुटे हुँदै नयाँ बसपार्कसम्म रुटमा बस संचालन भइरहेको छ। 
 
 

प्रतिकृया दिनुहोस

थप समाचार

  • साना गाडी र मोटरसाइकलले अब कति कर तिर्नुपर्छ ?

    साना गाडी र मोटरसाइकलले अब कति कर तिर्नुपर्छ ? आर्थिक वर्ष २०७४ /७५ को बजेटमा सरकारले दुई पाङग्रेमा ८० र चार पाङग्रेमा २ सय ४० प्रतिशत कर लगाएको छ। सरकारले भन्सार शुल्क यथावत राख्दै सडक दस्तुर र सम्भार दस्तुर बढाएको हो। चार पाङग्रे सवारी साधन एक हजार सिसीले अब वार्षिक रुपमा १९ हजार रुपैयाँ तिर्नुपर्छ भने १ हजार १ देखि १५ सयसम्मको चार पाङग्रे सवारी साधनले २१ हजार तिर्नुपर्छ।

  • जमलमा युएम बाइकको एक्सचेन्ज क्याम्प

    जमलमा युएम बाइकको एक्सचेन्ज क्याम्प युएम बाइकले आजबाट जमलस्थित शो रुममा बाइक एक्सचेन्ज क्याम्प आयोजना गरेको छ। क्याम्पमा पुरानो बाइकको उत्कृष्ट मुल्याङ्कन र आकर्षक छुटको व्यबस्था गरिएको आईएमई अटोमोटिभ्सले जनाएको छ।

  • हुन्डाइले ल्याउँदैछ एसयुभी कोना

    हुन्डाइले ल्याउँदैछ एसयुभी कोना दक्षिण कोरियन कार मेकर कम्पनी हुन्डाइ मोटर्सले आफ्नो बजारमा आउन लागेको नयाँ गाडीको टिजर सार्वजनिक गरेको छ। एसयुभी कोना नामक नयाँ गाडी उसले बजारमा ल्याउन लागेको छ। हुन्डाइले न्युर्योकमा भएको अटो शोमा आफ्नो नयाँ गाडी पेश गरेको छ।

  • करिब ४० लाख पर्ने रेनोको कार नेपालमा

    करिब ४० लाख पर्ने रेनोको कार नेपालमा रेनो अटोमोटिभको आधिकारिक वितरक एडभान्स अटोमोबाइल प्रालिले लजी स्टेपवे संस्करणको नयाँ गाडी नेपालमा अनावरण गरेको छ। यसको आन्तरिक तथा बाह्य सजावटमा नयाँपनसहितको लजी स्टेपवेले डिजाइन, स्पेस, कार्यदक्षता, सुरक्षा र उत्कृष्ट इन्धन बचतको समिश्रणको अनुभव प्रदान गर्ने कम्पनीको दावी छ। उत्कृष्ट एमपिभी प्रविधियुक्त गाडिको नेपाली बजारमा प्रारम्भिक मूल्य ३९ लाख ९५ हजार कायम गरिएको छ।

  • ‘अब सधै साझा बसमा सरर गइन्छ’

    ‘अब सधै साझा बसमा सरर गइन्छ’ भक्तपुर र काठमाडौँको सिमानामा पर्ने मनोहरा पुलमा भक्तपुरका बासिन्दाको विहानैदेखि निकै तामझाम थियो । उपभोक्ताका नाममा ब्यानर बोकेका भक्तपुरका बासिन्दाले हातमा अबिर, र फूलमाला लिएर बसेका थिए । जब प्रहरीको भ्यानको स्कटिङसहित छवटा साझा बस लाइनले भक्तपुरको नाकामा प्रवेश ग¥यो, तब भक्तपुरका बासिन्दाले गडगडाहट ताली बजाए । कसैले साझा बसमा अबिर र फूल छरेर पूजा गरे भने कसैले चालकलाई टिका र माला लगाईदिएर स्वागत गरे ।

किनमेल अनुभव

  • mahindra
  • पुस्तकको अभावले व्यापार नै डामाडोल भयो पुस्तकको अभावले व्यापार नै डामाडोल भयो

    हामी पुस्तक पसलेहरुले सिजनका बेला पुस्तक पाउन सकेका छैनौँ। नयाँ शैक्षिक सत्र सुरु भएको धेरै दिन बितिसक्दा पनि पुस्तकको अभाव छ। कतिपय कितावहरु त अहिलेसम्म आएकै छैन। चर्को भाडा तिरेर व्यापार गरेका हामी व्यापारीले यो समय केही राहत पाउने बेला हो। तर सिजनमा पुस्तकहरु नपाएपछि पुस्तक पसलेले के बेच्ने ?

    विष्णुप्रसाद खनाल, पाल्पा

  • worldlink
  • सस्तो चस्माको फाइदाभन्दा बेफाइदा धेरै सस्तो चस्माको फाइदाभन्दा बेफाइदा धेरै

    झम्सिखेलमा मेरो क्रिष्टल अप्टिकल नामक चस्माको पसल छ। मैले दैनिक धेरै थरिका ग्राहकहरुसँग कारोबार गर्नुपर्ने हुन्छ। चस्माको व्यापारमा ग्राहकहरुलाई बुझाउन निकै गाह्रो हुन्छ तर चस्माको बारेमा बुझेकाले भने गुणस्तरको मात्र ख्याल गर्छन्।

    सरोज गोपाली, झम्सिखेल

  • tata
  • सैलुनबाटै मनग्य आम्दानी गर्न सफल भएँ सैलुनबाटै मनग्य आम्दानी गर्न सफल भएँ

    मैले विगत ५ वर्षदेखि सैलुन खोलेर बसेकी छु । काठमाडौँ मलको तेश्र्रो तलामा ‘ब्युटि मार्क स्किन केयर एण्ड हेयर सैलुन’ खोलेदेखि पैसा कमाउन विदेश जानै पर्छ भन्ने मेरो सानैदेखिको सोच गलत साबित भएको छ। आफूले केही सिप सिकेर यही केही गर्न चाहने र लगनशिल भएर लाग्ने हो भने लासाको सुन यही कमाउन सकिने रहेछ भन्ने कुराको दरिलो उदाहरण बनेको छ मेरो मिहेनत।

    सञ्जिता परियार, काठमाडौँ

  • ड्राईमिटको गुणस्तर परीक्षण हुन्छ कि हुदैन ? ड्राईमिटको गुणस्तर परीक्षण हुन्छ कि हुदैन ?

    नेपालीहरुको लागी ड्रइमिट(सुकाएको मासु) निकै लोकप्रिय छ। अझ बिदेश जान लागेकाले त साथीहरुको लागी कोशेलीको रुपमा पनि ड्रइमिट लैजाने गरेका छन्। काठमाडौंमा सानो पसल देखि ठुला डिपार्टमेन्ट स्टोरहरुमा ड्राइमिट पाइन्छ र सस्तो देखि महँगो सम्म पाइन्छ। तर त्यो ड्राइमिट गुणस्तर कस्तो हो, कतिसम्म खान योग्य हुन्छ यो बारेमा खासै अनुगमन भएको पाइदैन। यो उपभोक्तको स्वास्थ्यका प्रत्यक्ष सरोकार राख्ने विषय हो। सम्बन्धित निकायको ध्यान जाओस।

    इश्वर नेपाल, चितवन

  • विदेशी भन्दा स्थानीय जुत्ता राम्रो विदेशी भन्दा स्थानीय जुत्ता राम्रो

    मैले धेरै प्रकारको जुत्ता लगाएँ। राम्रो गुणस्तरको जुत्तालाई महँगो पर्ने र सस्तो जुत्ताको गुणस्तर नहुने अनुभव गरेँ। यो धेरैले भोगिरहेको समस्या हो। मलाई एकजना साथीले स्थानीय जुत्ता खरिद गर्न सल्लाह दियो।

    कमल अधिकारी, हेटौंडा

  • रात छिप्पेसँगै बजारमा तरकारी सस्तिँदो रहेछ रात छिप्पेसँगै बजारमा तरकारी सस्तिँदो रहेछ

    म अध्ययनको शिलशिलामा काठमाडौँको घट्टेकुलोमा बस्छु। काठमाडौंमा तरकारी तथा फलफूलको भाउ तुलनात्मक रुपमा महँगो छ। अझ बेलुकी ५ बजेतिर जाँदा त ब्यापारीहरुले भाउ घटाउनै मान्दैनन्।

    सुमन अर्याल, घट्टेकुलो

  • फोटो खिच्दा पनि डिस्काउन्ट माग्छन् ग्राहक फोटो खिच्दा पनि डिस्काउन्ट माग्छन् ग्राहक

    मैले मैतिदेवीमा फोटो स्टुडियो राखेको करिव ५ वर्ष भयो। यो अवधिमा मैले हजारौँ ग्राहकको फोटो खिचेँ। फोटो स्टुडियोमा खासै डिस्काउन्टका लागि बार्गेनिङ हुँदैन र स्टुडियोमा फेन्सी पसलमा जस्तो डिस्काउन्ट गर्नका लागि भनेर धेरै मूल्य पनि तोकिँदैन।

    विकाश दाहाल, फोटोग्राफर काठमाडौं

  • एकपटक धुदा जिन्स पाइन्टको रङ्ग खुइलियो एकपटक धुदा जिन्स पाइन्टको रङ्ग खुइलियो

    करिव एक महिना अगाडि मैले कलंकीको भटभटेनीबाट ३१ सय ७५ रुपैयाँमा एउटा जिन्स पाइन्ट किनेको थिएँ। पाइन्ट बेच्नेले पनि निकै राम्रो हो भन्यो र मैले पनि यति महँगो पाइन्ट भाटभटेनीबाट किनेको के डुब्लिकेट पर्ला र भनेर किनिहालेँ।

    रोशन अधिकारी, चितवन

लोकप्रिय

सूचनापाटी